Deuteronomy 15:4 - Yn Vible Casherick 1775 1819

⁴ Nagh bee ymmyrchee erbee ny mast’ eu: son nee’n Chiarn dy feoilt oo y vannaghey ’sy cheer ta’n Chiarn dty Yee dy choyrt dhyt son eiraght as cummal:

Deuteronomy 15:4 ပူးပေါင်းရင်းမြစ်များ

Raaghyn Creeney 14:21

Eshyn ta soiaghey beg jeh e naboo, t’eh jannoo peccah: agh eh ta chymmoil er ny boghtyn s’maynrey t’eh.

Raaghyn Creeney 28:27

Eshyn ta shirveish er ny boghtyn, cha jig y voghtynid er: agh yiow eshyn mollaght ny ghaa ta follaghey e hooillyn.

Deuteronomy 14:29

As hig y Levite (son nagh vel ayrn ny eiraght echey mayrt) as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn, as nee ad gee, as bee ad jeant magh: dy vod yn Chiarn dty Yee oo y vannaghey ayns dy chooilley obbyr t’ou cur dty laue huggey.

Deuteronomy 15:5

My vees oo agh imneagh dy eaishtagh rish coraa yn Chiarn dty Yee, dy ve tastagh dy reayll ooilley ny oardaghyn shoh ta mee dy harey dhyt jiu.

Deuteronomy 28:11

As nee’n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 4:21

Marish shoh, va’n Chiarn corree rhym’s kyndagh riuish, as vreear eh, nagh raghin harrish Jordan, as nagh row mee dy roshtyn gys y cheer mie shen, ta’n Chiarn dy choyrt dhyt’s son eiraght.