Deuteronomy 15:3 - Yn Vible Casherick 1775 1819

³ Jeh joarree foddee oo troggal eh; agh shen ny t’ou er n’eeasaght da dty vraar, ver dty laue seose eh:

Deuteronomy 15:3 ပူးပေါင်းရင်းမြစ်များ

Exodus 22:25

My ver oo argid er eeasaght da veg jeh my phobble, ta fo boghtynid mayrt, cha jig oo ro hionn er, chamoo hroggys oo thack jeh.

Noo Ean 8:35

As cha vel y charvaant tannaghtyn kinjagh ayns y thie: agh ta’n Mac tannaghtyn kinjagh.

Galatianee 6:10

Myr ta caa ain er-y-fa shen, lhig dooin mie ’yannoo da dy chooilley ghooinney, er-lheh dauesyn ta jeh lught-thie’n chredjue.

Deuteronomy 15:2

As shoh leigh yn feaysley: Dy chooilley ghooinney ta er eeasaght da e naboo, ver eh seose eh, cha jean eh troggal eh jeh e naboo, ny jeh e vraar, son dy nee bleïn feayslee yn Chiarn eh.

Deuteronomy 23:20

Da joarree foddee oo geeasagh er use, agh jeh dty vraar cha drog oo use, dy vod y Chiarn dty Yee oo y vannaghey ayns ooilley ny t’ou cur dty laue huggey, ayns y cheer raad t’ou goll dy chummal ayn.

Deuteronomy 23:21

Tra t’ou jannoo breearrey gys y Chiarn dty Yee, ny lhig shaghey dy eeck eh: son nee yn Chiarn dty Yee son shickyrys kiangley ort eh: as veagh eh ny peccah dhyt.