Deuteronomy 13:8 - Yn Vible Casherick 1775 1819

⁸ Cha jed oo mârish, ny geaishtagh rish; chamoo vees chymmey ec dty hooill er, chamoo nee oo sparail eh, chamoo nee oo keiltyn eh:

Deuteronomy 13:8 ပူးပေါင်းရင်းမြစ်များ

Exodus 20:3

Cha bee Jee erbee elley ayd’s, agh mish.

Raaghyn Creeney 1:10

My vac, my ta drogh-yantee dy dty violaghey, ny cur dty aigney lhieu.

Ezekiel 5:11

Shen-y-fa, myr ta mee bio, ta’n Chiarn Jee dy ghra, Son shickyrys, er-yn-oyr dy vel oo er an-chasherickey my hiamble lesh ooilley dty chliaghtaghyn dwoaiagh, as lesh ooilley dty obbraghyn eajee; shen-y-fa neem’s uss myrgeddin y leodaghey, chamoo nee my hooill lhiggey lhiat, chamoo goym chymmey jeed.

Deuteronomy 13:7

Ta shen, jeeghyn y pobble ta mygeayrt-y-miu, er-gerrey dhyt, ny foddey voïd, veih’n derrey chione, eer gys y chione elley jeh’n theihll:

Deuteronomy 19:13

Cha bee chymmey ec dty hooill er, agh ver oo ersooyl loght fuill neu-chyndagh veih Israel, dy vod eh ve mie mayrt.

Deuteronomy 28:64

As nee’n Chiarn oo y skeayley mastey dy chooilley ashoon, veih’n derrey chione jeh’n theihll gys y chione elley; as ayns shen nee oo jeeghyn elley ’hirveish, nagh vel enney er ve ayd’s, ny ec dty ayraghyn orroo, eer fuygh as clagh.

Deuteronomy 32:17

Heb ad ourallyn gys jouyil, cha nee gys Jee; gys jeeghyn nagh bione daue, gys jeeghyn noa soit seose, daue nagh dug nyn ayraghyn ooashley.

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

Deuteronomy 7:2

As erreish da’n Chiarn v’er livrey ad dhyt: nee oo nyn mwoalley, as nyn stroie dy bollagh, cha jean oo conaant erbee roo, ny myghin y hoilshaghey daue:

1 Ean 5:21

Chloan veggey, freill-jee shiu hene veih jallooyn. Amen.

Briwnyn 10:6

As ren cloan Israel reesht olk ayns shilley’n Chiarn, as hirveish ad Baalim as Ashtaroth, as jeeghyn Syria, as jeeghyn Zidon, as jeeghyn Voab, as jeeghyn cloan Ammon, as jeeghyn ny Philistinee, as hreig ad y Chiarn, as cha hirveish ad eh.