Deuteronomy 13:6 - Yn Vible Casherick 1775 1819

⁶ My nee dty vraar mac dty vayrey, ny dty vac, ny dty inneen, ny ben dty oghrish, ny dty charrey, ta myr dty annym hene, miolaghey oo dy follit, gra, Lhig dooin goll, as shirveish jeeghyn joarree (nagh row enney edyr ayd hene, ny ec dty ayraghyn orroo)

Deuteronomy 13:6 ပူးပေါင်းရင်းမြစ်များ

Genesis 16:5

As dooyrt Sarai rish Abram, My aggair dy row ort: ta mee er choyrt my inney-veyl gys dty oghrish: as tra honnick ee dy row ee er yiennaghtyn, ren ee beg y hoiagh jee’m: dy jean y Chiarn briwnys eddyr mish as uss.

2 Samuel 1:26

Ta mee seaghnit er dty hon, my vraar Yonathan: s’dooie t’ou er ny ve dou, as graihagh orrym: as dty ghraih er my hon’s yindyssagh, erskyn graih mraane.

1 Reeaghyn 18:40

As dooyrt Elijah roo, Gow-jee phadeyryn Vaal; ny lhig da fer jeu scapail. As ghow ad ad: as hug Elijah lesh ad sheese gys strooan Kishon, as ayns shen v’ad er nyn goyrt gy-baase.

2 Reeaghyn 11:18

As hie ooilley pobble ny cheerey stiagh ayns thie Vaal, as vrish ad eh sheese, e altaryn as e yallooyn vrish ad ayns peeshyn, as varr ad Mattan saggyrt Vaal ec ny altaryn. As doardee’n saggyrt shirveishee harrish thie’n Chiarn.

2 Recortyssyn 15:13

Quoi-erbee nagh jinnagh yn Chiarn Jee Israel y hirveish, dy beagh eh shen er ny choyrt gy-baase, edyr beg ny mooar, edyr dooinney ny ben.

2 Recortyssyn 23:17

Eisht hie ooilley’n pobble gys thie Vaal, as lhieg ad sheese eh, as vrish ad e altaryn, as e yallooyn dy peeshyn, as varr ad Mattan saggyrt Vaal kiongoyrt rish, ny altaryn.

Lioar Yob 31:27

As my chree er ve cleaynit cheu-sthie jee’m, ny my veeal er phaagey my laue:

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 32:27

As dooyrt eh roo, Shoh myr ta’n Chiarn Jee Israel gra, Cur-jee dy chooilley ghooinney e chliwe rish e lhiattee, as gow-jee stiagh as magh veih giat dy giat trooid y champ, as marr-jee dy chooilley ghooinney e vraar, as dy chooilley ghooinney e heshey, as dy chooilley ghooinney e naboo.

Raaghyn Creeney 18:24

Eshyn ta caarjyn echey, shegin da jeeaghyn eh-hene myr carrey: as ta carrey ayn lhiannys hood ny s’chenney na braar erbee.

Raaghyn Creeney 5:20

As cre’n-fa, my vac, bee oo er dty chleayney liorish ben whuaagh, as taitnys ayd ayns oghrish oainjyr?

Jeremiah 28:15

Eisht dooyrt y phadeyr Jeremiah rish yn adeyr Hananiah, Eaisht rhym nish, Hananiah, Cha vel yn Chiarn er dty choyrt; agh t’ou cur er y pobble shoh dy hreishteil ayns breg.

Jeremiah 28:16

Shen-y-fa myr shoh ta’n Chiarn dy ghra, Cur-my-ner, neem’s uss y scughey veih eaghtyr y thallooin: eer ’sy vleïn shoh hene yiow baase, son dy vel oo er n’ockley magh mee-viallys noi yn Chiarn.

Jeremiah 44:3

Son ooilley yn olk t’ad er n’yannoo, dy my vrasnaghey gys corree, as dy jagh ad dy lostey incense, as dy hirveish jeeghyn joarree, nagh bione daue hene, ny shiuish, ny nyn ayraghyn.

Zechariah 13:3

As hig eh gy-kione, tra nee fer erbee phadeyrys, dy jir e ayr as e voir hooar eh, gra rish, Cha bee oo bio; son t’ou fockley-magh breagyn ayns ennym y Chiarn: as nee e ayr as e voir hooar eh, roie trooid e chorp eh, tra t’eh jannoo phadeyrys.

2 Corinthianee 5:16

Shen-y-fa cha vel shin maghey shoh jannoo soiagh jeh dooinney erbee lurg yn eill: dy jarroo ga dy bione dooin Creest ayns yn eill, foast cha nhione dooin eh myr shoh ny-sodjey.

Galatianee 2:4

As shen kyndagh rish braaraghyn foalsey v’er nyn goyrt lhieu gyn-yss ny-vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Ephesianee 4:14

Nagh bee mayd maghey shoh nyn gloan leaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cluicagh, lhieu t’ad lhie cooyl-chlea er-chee dy volley:

Deuteronomy 11:32

As bee-jee imneagh dy chooilleeney ooilley ny slattyssyn ta mish dy hoiaghey reue yn laa jiu.

Deuteronomy 13:2

As y cowrey ny yn yindys loayr eh jeh dy haghyrt, as dy jir eh rhyt, Lhig dooin geiyrt da jeeghyn elley (nagh bione dhyt) as lhig dooin shirveish ad.

Deuteronomy 13:7

Ta shen, jeeghyn y pobble ta mygeayrt-y-miu, er-gerrey dhyt, ny foddey voïd, veih’n derrey chione, eer gys y chione elley jeh’n theihll:

Deuteronomy 17:12

As y dooinney nee er e chione hene, as nagh n’eaisht rish y taggyrt (ta shassoo dy yannoo shirveish ayns shen kiongoyrt rish y Chiarn dty Yee) ny rish y vriw, bee’n dooinney shen er ny choyrt gy-baase: as ver oo yn olk ersooyl veih Israel.

Deuteronomy 18:20

Agh y phadeyr ghoys er dy loayrt fockle ayns m’ennym’s, nagh vel mish er harey da dy loayrt, ny loayrys ayns ennym jeeghyn joarree, bee eer y phadeyr shen er ny stroie.

Deuteronomy 19:19

Eisht nee shiu rishyn, myr chiare eshyn dy v’er n’yannoo rish e vraar: myr shoh ver oo ersooyl yn olk veih ny mast’ eu.

Deuteronomy 21:21

As nee ooilley deiney e ard-valley claghey eh dy baase: myr shen ver oo yn olk ersooyl veih ny mast’ eu, as nee ooilley Israel clashtyn as goaill aggle.

Deuteronomy 22:21

Eisht ver ad lhieu magh yn ven aeg gys dorrys thie e ayrey, as nee deiney’n ard-valley eck claghey gy-baase ee: son dy vel ee er n’yannoo ommijys ayns Israel, ayns jannoo streebeeys ayns thie e ayrey: myr shoh ver oo ersooyl olk veih ny mast’ eu.

Deuteronomy 24:7

My vees dooinney er ny gheddyn dy gheid veg jeh e vraaraghyn cloan Israel, as jannoo marchantys jeh, ny creck eh; eisht bee’n maarliagh shen er ny choyrt gy-baase, as ver oo yn olk ersooyl veih ny mast’ eu.

Deuteronomy 28:54

Myr shen, y dooinney ta feer seyr as jesheenagh ny-vud eu, bee drogh hooill echey gys e vraar, as da ben e oghrish, as da e chloan vees er-mayrn:

Deuteronomy 29:18

Nagh bee ny mast’ eu dooinney, ny ben, ny lught-thie, ny tribe, ta ayns nyn gree chyndaa ersooyl veih’n Chiarn nyn Yee, dy gholl dy hirveish jeeghyn ny ashoonyn shoh; nagh bee ny mast’ eu fraue ta gymmyrkey gall as ullymar,

Deuteronomy 8:14

Nagh bee dty chree eisht mooaralagh, as dy jarrood oo yn Chiarn dty Yee (hug lesh uss magh ass cheer Egypt, veih thie ny bondiaght;

Colossianee 2:4

As shoh ta mee dy ghra, er-aggle dy jinnagh dooinney erbee shiuish y volley lesh goan brynnagh.

Joshua 7:13

Seose oo, jean y pobble y chasherickey, as abbyr roo, Jean-jee shiu-hene y chasherickey cour y laa mairagh: son myr shoh ta’n Chiarn Jee dy Israel gra, Ta red cursit ayns dty vean, O Israel: cha vod oo shassoo roish dty noidyn, derrey ta shiu goaill yn red cursit ersooyl veih ny mast’ eu.

2 Peddyr 2:1

Agh va myrgeddin phadeyryn foalsey mastey’n pobble, eer myr vees fir-ynsee foalsey ny mast’ euish, ver lhieu stiagh dy follit shaghrynys custey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt-mow er mullagh ching.

Ashlish 12:9

As va’n dragon mooar er ny eiyrt magh, yn chenn ard-nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:14

As t’eh molley adsyn ta cummal er y thalloo, liorish ny mirrilyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 20:3

As hilg eh eh ayns y diunid gyn-grunt, as yeigh eh seose eh, as hug eh seal er, nagh jinnagh eh molley ny ashoonyn arragh, derrey veagh y thousane bleïn ec kione: as ny lurg shen, shegin da ve feayshlit son traa giare.

Briwnyn 10:6

As ren cloan Israel reesht olk ayns shilley’n Chiarn, as hirveish ad Baalim as Ashtaroth, as jeeghyn Syria, as jeeghyn Zidon, as jeeghyn Voab, as jeeghyn cloan Ammon, as jeeghyn ny Philistinee, as hreig ad y Chiarn, as cha hirveish ad eh.

Briwnyn 2:13

As hreig ad y Chiarn, as hirveish ad Baalim as Ashtaroth.

Briwnyn 20:13

Nish er-y-fa shen, livrey-jee seose hooin ny deiney, cloan Velial, t’ayns Gibeah, dy vod mayd ad y choyrt gy-baase, as y loght y scughey veih Israel. Agh cha dug cloan Venjamin clashtyn da coraa nyn mraaraghyn, cloan Israel:

Briwnyn 5:8

Reih ad jeeghyn noa; eisht va caggey ayns ny giattyn: row scape ny shleiy ry-akin mastey da-eed thousane ayns Israel?

1 Samuel 18:1

As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 20:17

As hug Jonathan er David dy heet harrish e vreearrey reesht, er-yn-oyr dy bynney lesh eh: son dy bynney lesh eh myr e annym hene.