Deuteronomy 13:4 - Yn Vible Casherick 1775 1819

⁴ Nee shiu tannaghtyn dy eiyrt er y Chiarn nyn Yee; as aggle y ghoaill roish, as freayll e annaghyn, as ve biallagh da e choraa, as nee shiu shirveish eh, as lhiantyn huggey.

Deuteronomy 13:4 ပူးပေါင်းရင်းမြစ်များ

2 Reeaghyn 23:3

As hass y ree liorish pillar, as ren eh conaant kiongoyrt rish y Chiarn, dy n’eiyragh ad er y Chiarn, as dy reayll e annaghyn as e recortyssyn as e lattyssyn, lesh ooilley nyn gree as ooilley nyn annym, dy chooilleeney goan y chonaant shoh va scruit ayns y lioar shoh: as hass ooilley yn pobble gys y chonaant.

2 Recortyssyn 34:31

As hass y ree ayns e ynnyd, as ren eh conaant fenish y Chiarn, dy immeeaght lurg y Chiarn, as dy reayll e annaghyn, as e recortyssyn, as e lattyssyn lesh ooilley e chree, as lesh ooilley e annym, dy chooilleeney goan y chonaant ta scruit ’sy lioar shoh.

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Romanee 6:13

Chamoo livrey-jee seose nyn oltyn myr greinyn dy neu-chairys gys peccah: agh livrey-jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

1 Corinthianee 6:17

Agh eshyn ta lhiantyn gys y Chiarn, t’eh un spyrryd.

Deuteronomy 10:20

Nee oo aggle y ghoaill roish y Chiarn dty Yee, eshyn nee oo y hirveish, as huggeysyn nee oo lhiantyn, as loo liorish e ennym.

Deuteronomy 11:1

Shen-y-fa ver oo graih da’n Chiarn dty Yee, as nee oo freayll e churrym, e lattyssyn, e vriwnyssyn, as e annaghyn dy kinjagh.

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

Deuteronomy 6:13

Nee oo aggle y ghoaill roish y Chiarn dty Yee, as shirveish eh, as nee oo loo liorish e ennym.

Deuteronomy 6:5

As ver oo graih da’n Chiarn dty Yee, lesh ooilley dty chree, as lesh ooilley dty annym, as lesh ooilley dty niart.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

2 Ean 1:6

As shoh’n ghraih, dy jean mayd gimmeeaght cordail rish e annaghyn. Shoh’n anney, myr ta shiu er chlashtyn veih’n toshiaght, dy lhisagh shiu gimmeeaght ayn.

1 Samuel 7:3

As loayr Samuel rish ooilley thie Israel, gra, My ta shiu chyndaa gys y Chiarn lesh ooilley nyn gree, eisht cur-jee ersooyl ny jeeghyn joarree as Ashtaroth veih ny mast’ eu, as soie-jee nyn greeaghyn dy hirveish y Chiarn ny-lomarcan: as nee eh shiu y livrey ass laue ny Philistinee.