Deuteronomy 13:1 - Yn Vible Casherick 1775 1819

¹ My nee phadeyr [foalsey] ny branlaader ashlishyn troggal ny mast’ eu, as jannoo faishnys jeh cowrey ny yindys ennagh,

Deuteronomy 13:1 ပူးပေါင်းရင်းမြစ်များ

1 Reeaghyn 13:18

Dooyrt eh rish, Ta mish my adeyr neesht myr t’ou uss, as loayr ainle rhym liorish goo’n Chiarn, gra, Cur lhiat eh back mayrt gys dty hie, dy vod eh gee arran as giu ushtey. Agh she breg dinsh eh da.

1 Reeaghyn 13:19

Myr shoh hie eh back mârish, as d’ee eh arran ayns e hie, as diu eh ushtey.

Raaghyn Creeney 30:6

Ny jean uss nhee erbee noi’n goo echeysyn, er-aggle dy der eh oghsan dhyt, as dy bee oo er dty gheddyn dty vreagerey.

Isaiah 9:15

Yn chenn as onnoroil, eshyn y bun; as y phadeyr ta gynsaghey breagyn, eshyn y baare.

Jeremiah 23:11

Son ta chammah yn phadeyr as y saggyrt mee-chrauee; eer ayns my hie hene ta mee er gheddyn yn vee-chraueeaght oc, ta’n Chiarn dy ghra.

Jeremiah 23:32

Cur-my-ner, ta mish noi adsyn ta branlaadee dreamallyn foalsey, ta’n Chiarn dy ghra, as ta dy insh ad, as cur my phobble er-shaghryn lesh nyn mreagyn, as nyn molteyrys; ga nagh dug mee ad er chaghteraght, chamoo hug mee currym erbee orroo: shen-y-fa cha bee ad jeh foaynoo erbee da’n pobble shoh, ta’n Chiarn dy ghra.

Jeremiah 27:9

Shen-y-fa ny cur-jee geill da ny phadeyryn eu, ny da ny fallogyssee, ny da ny ashleyderyn, ny da ny druaiaghtee, ny da ny fir-obbee eu, ta loayrt riu, gra, Cha jean shiu shirveish ree Vabylon.

Jeremiah 29:24

Myr shoh nee oo loayrt myrgeddin rish Shemaiah yn Nehelamite, gra,

Jeremiah 29:26

Ta’n Chiarn er n’yannoo uss dty haggyrt ayns ynnyd Yehoiada yn saggyrt, shiuish dy ve fir-oik ayns thie yn Chiarn, son dy chooilley ghooinney ta ass e cheeayll, as goaill er hene dy ve phadeyr, dy choyrt eh ayns pryssoon, as ayns ny sthockyn:

Jeremiah 29:8

Son myr shoh ta Chiarn ny sheshaghtyn flaunyssagh, Jee Israel, dy ghra, Ny lhig da ny phadeyryn eu, as ny fallogyssee, ta nyn mastey, shiu y volley, as ny cur-jee geill da ny dreamallyn eu ta shiu er ghreamal.

Jeremiah 6:13

Son veih’n fer sloo eer gys y fer smoo jeu, ta dy chooilley unnane sondagh er cosney; as veih’n phadeyr eer gys y taggyrt, ta dy chooilley er dellal dy molteyragh.

Ezekiel 13:23

Shen-y-fa, cha vaik shiu arragh jeh’n ardalys shoh, chamoo eiyrys shiu er phadeyrys foalsey; son neem’s my phobble y livrey ass nyn laueyn, as bee fys eu, dy nee mish yn Chiarn.

Zechariah 10:2

Son ta ny jallooyn er loayrt fardalys, as ny fir-obbee er vakin breg, as t’ad er n’insh dreamallyn foalsey: t’ad gerjaghey ayns fardail: shen-y-fa hie ad rhymboo myr shioltane, v’ad seaghnit, er-yn-oyr nagh row bochilley erbee harrystoo.

Zechariah 13:4

As hig eh gy-kione ayns y laa shen, dy bee ny phadeyryn naareydagh, dagh unnane oc jeh e ashlish, tra t’ad er n’yannoo phadeyrys; chamoo nee ad ceau garmad geyshteenagh dy volley sleih.

Noo Mian 24:11

As nee ymmodee phadeyryn foalsey girree seose, as mooarane y volley.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 7:15

Bee-jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu-sthie t’ad nyn moddee-oaldey jollyssagh.

Noo Mark 13:22

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Noo Luke 6:26

Smerg diuish tra nee dy chooilley ghooinney loayrt dy mie jiu: son shen myr ren ny ayraghyn oc jeh ny phadeyryn foalsey.

Deuteronomy 18:20

Agh y phadeyr ghoys er dy loayrt fockle ayns m’ennym’s, nagh vel mish er harey da dy loayrt, ny loayrys ayns ennym jeeghyn joarree, bee eer y phadeyr shen er ny stroie.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 4:2

Cha jean shiu nhee erbee y choyrt huggey, ny goaill voish y goo ta mee dy harey diu, dy vod shiu freayll annaghyn y Chiarn nyn Yee, ta mish dy harey diu.

2 Thessalonianee 2:9

Dy jarroo eshyn ta’n cheet echey cordail rish gobbraghey Satan, lesh dy chooilley phooar, as cowraghyn, as yindyssyn breagagh,

2 Peddyr 2:1

Agh va myrgeddin phadeyryn foalsey mastey’n pobble, eer myr vees fir-ynsee foalsey ny mast’ euish, ver lhieu stiagh dy follit shaghrynys custey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt-mow er mullagh ching.

1 Ean 4:1

Chaarjyn, ny cred-jee dy chooilley spyrryd, agh prow-jee ny spyrrydyn vel ad veih Jee: er-yn-oyr dy vel ymmodee phadeyryn foalsey er n’gholl magh ’sy theihll.