Deuteronomy 12:9 - Yn Vible Casherick 1775 1819

⁹ Son cha vel shiu foast er jeet gys y boayl dy aash, as gys yn eiraght ta’n Chiarn nyn Yee ry-hoi coyrt diu.

Deuteronomy 12:9 ပူးပေါင်းရင်းမြစ်များ

1 Reeaghyn 8:56

Bannit dy row’n Chiarn, t’er chur fea da e phobble Israel, cordail rish ooilley e yialdinys: cha vel fockle hene er vailleil jeh ooilley e yialdinys, ren eh gialdyn liorish e harvaant Moses.

1 Recortyssyn 23:25

Son dooyrt David, Ta’n Chiarn Jee Israel er choyrt fea da e phobble, dy vod ad cummal ayns Jerusalem dy kinjagh;

Psalmyn 95:11

Dauesyn loo mee ayns my chorree: nagh ragh ad stiagh ayns m’ea.

Jeremiah 31:2

Shoh myr ta’n Chiarn dy ghra, Hooar yn pobble va faagit veih’n chliwe foayr ayns yn aasagh; eer Israel, tra hug mee lhiam stiagh eh gys e chummal ayns fea.

Micah 2:10

Trog-jee erriu, as gow-jee reue, son cha nee shoh yn ynnyd-vaghee eu: er-yn-oyr dy vel eh neu-ghlen, nee eh shiu y stroie lesh stroialtys seiyjagh.

Deuteronomy 12:8

Cha jean shiu ayns shen, myr ta shin nish dy yannoo ayns shoh, dy chooilley ghooinney myr saillish hene.

Deuteronomy 25:19

Shen-y-fa, tra ver y Chiarn dty Yee fea dhyt, veih ooilley dty noidyn er dy chooilley heu, ayns y cheer ta’n Chiarn dty Yee dy choyrt dhyt, son eiraght dy chummal ayn, dy der oo ass cooinaghtyn ennym Amalek dy bollagh fo niau; jeeagh nagh jarrood oo eh.

Deuteronomy 3:20

Derrey ver y Chiarn shee da nyn mraaraghyn, chammah as diuish, as derrey yiow adsyn myrgeddin cummallyn ayns y cheer, ta’n Chiarn nyn Yee er choyrt daue cheu elley dy Yordan: as eisht nee dy chooilley ghooinney jiu chyndaa gys e eiraght, ta mee er choyrt diu.

Deuteronomy 4:21

Marish shoh, va’n Chiarn corree rhym’s kyndagh riuish, as vreear eh, nagh raghin harrish Jordan, as nagh row mee dy roshtyn gys y cheer mie shen, ta’n Chiarn dy choyrt dhyt’s son eiraght.

Joshua 11:23

Myr shoh ghow Joshua yn slane cheer, cordail rish ooilley ny va’n Chiarn er ghra rish Moses; as hug Joshua eh son eiraght da Israel, cordail rish y rheynn va jeant fud ny tribeyn oc. As [ny lurg shoh] va shee ’sy cheer.