Deuteronomy 12:3 - Yn Vible Casherick 1775 1819

³ As nee shiu lhieggal ny altaryn oc, as brishey ny pillaryn, as lostey ny keylljyn oc lesh aile, as nee shiu giarey sheese jallooyn grainnit ny jeeghyn oc, as nyn enmyn y stroie ass yn ynnyd shen.

Deuteronomy 12:3 ပူးပေါင်းရင်းမြစ်များ

1 Reeaghyn 14:15

Son nee’n Chiarn Israel y woalley myr cuirtlagh t’er ny chraa ’syn ushtey, as nee eh Israel y astyrt ass y cheer vie shoh hug eh da ny ayraghyn oc, as nee eh ad y skeayley er cheu elley jeh’n awin, er-yn-oyr dy vel ad er n’yannoo ny keylljyn oc [son jallooyn,] brasnaghey yn Chiarn gys corree.

1 Reeaghyn 15:13

As myrgeddin Maachah e voir, dy jarroo ish ren eh scughey veih ve ny ben-reïn, er-yn-oyr dy hrog ee jalloo ayns y cheyll; as hug Asa mow yn jalloo eck, as losht eh eh liorish yn strooan Kidron.

2 Reeaghyn 11:18

As hie ooilley pobble ny cheerey stiagh ayns thie Vaal, as vrish ad eh sheese, e altaryn as e yallooyn vrish ad ayns peeshyn, as varr ad Mattan saggyrt Vaal ec ny altaryn. As doardee’n saggyrt shirveishee harrish thie’n Chiarn.

2 Reeaghyn 18:4

Hug eh sheese ny ynnydyn ardey, as vrish eh ny jallooyn, as yiare eh sheese ny keylljyn, as vrish eh ayns peeshyn yn ard-nieu prashey va Moses er n’yannoo: son ayns ny laghyn shen va cloan Israel lostey incense huggey: as denmys eh eh Nehushtan.

2 Reeaghyn 23:14

As vrish eh ayns peeshyn ny jallooyn, as yiare eh sheese ny biljyn, as lhieen eh ny ynnydyn oc lesh craueyn deiney.

2 Recortyssyn 14:2

As ren Asa shen ny va mie, as cairagh ayns shilley’n Chiarn e Yee.

2 Recortyssyn 14:3

Son ghow eh ersooyl altaryn ny jeeghyn quaagh, as ny ard-ynnydyn, as vrish eh sheese ny jallooyn, as yiare eh sheese ny keylljyn oc.

2 Recortyssyn 19:3

Ny-yeih, t’ou er n’yannoo reddyn ennagh dy mie, ayns dy vel oo er ghoaill ersooyl ny jallooyn ass y cheer, as er hoiaghey dty chree, dy eiyrt er Jee.

2 Recortyssyn 31:1

Nish tra va shoh ooilley harrish, hie ooilley Israel va kionfenish magh trooid ard-valjyn Yudah, as vrish ad ny jallooyn ayns peeshyn, as yiare ad sheese ny keylljyn, as lhieg ad ny ard-ynnydyn as ny altaryn trooid ooilley Judah as Benjamin, ayns Ephraim myrgeddin as Manasseh, derrey v’ad dy bollagh er stroie ad ooilley. Eisht hyndaa ooilley cloan Israel reesht dagh dooinney gys e chummal, ayns e ard-valjyn hene.

2 Recortyssyn 34:3

Son ayns y hoghtoo vleïn jeh e reill, choud’s v’eh foast aeg, v’eh aggindagh dy hirveish Jee Ghavid e ayr: as ’sy nah vleïn yeig ren eh toshiaght dy scughey ass Judah as Jerusalem ny ard-ynnydyn, as ny keylljyn, as ny jallooyn grainnit, as ny jallooyn lheït.

Psalmyn 16:4

Agh adsyn ta geiyrt er Jee elley: yiow seaghyn mooar.

Exodus 23:13

As cur-jee tastey mie da dy chooilley nhee ta mee er ghra riu: as ny jean-jee imraa jeh ennym jeeghyn joarree, chamoo lhig da ve er ny chlashtyn ass dty veeal.

Exodus 23:24

Cha jean oo croymmey sheese gys ny jeeghyn oc, ny shirveish ad, ny jannoo lurg nyn obbraghyn, agh nee oo stroie ad dy bollagh, as slane brishey ny jallooyn oc.

Exodus 34:13

Agh nee shiu stroie ny altaryn oc, brishey ny jallooyn, as giarey sheese ny biljyn foue v’ad coyrt ooashley.

Isaiah 27:9

Liorish shoh eisht vees mee-chairys Yacob er ny heyrey, as shoh yn slane cowrey, dy vel e pheccaghyn er ny leih da; tra t’eh jannoo ooilley claghyn yn altar myr claghyn kelk t’er ny vroo dy myn, cha bee ny keylljyn ny ny jallooyn faagit nyn shassoo.

Jeremiah 17:2

Choud as ta nyn gloan freayll ayns cooinaghtyn ny altaryn eu, as ny keylljyn dy viljyn glassey er ny croink ard.

Hosea 2:17

Son goym ersooyl enmyn Vaalim ass e beeal, as cha bee imraa sodjey jeu lurg ny enmyn shen.

Micah 5:14

As nee’m gastyrt keyll dty yallooyn veih ny mast’ eu: myr shen nee’m dty ard-valjyn y stroie.

Zechariah 13:2

As hig eh gy-kione ta Chiarn ny flaunyssee dy ghra, dy giare-ym jeh ennym ny jallooyn ass y cheer, as cha bee cooinaghtyn sodjey jeu: as neem’s scughey myrgeddin ny phadeyryn, as y spyrryd neu-ghlen ass y cheer.

Earrooyn 33:52

Eisht nee shiu geiyrt magh ooilley cummaltee yn cheer veih kiongoyrt riu, as stroie ooilley caslyssyn ny jeeghyn oc, as ooilley ny jallooyn lheït, as dy bollagh skaa sheese ooilley ny ynnydyn ard oc.

Deuteronomy 12:4

Cha nee er yn aght shoh nee shiu shirveish y Chiarn y Jee eu.

Deuteronomy 7:25

Jallooyn grainnit ny jeeghyn oc nee shiu lostey lesh aile; cha der oo saynt da’n argid ny yn airh t’orroo, dy ghoaill eh dhyt hene, er-aggle dy bee oo er dty hayrn ayns ribbeh liorish: son te feohdoil da’n Chiarn dty Yee.

Deuteronomy 7:5

Agh shoh myr nee shiu dellal roo; nee shiu nyn altaryn y stroie, as ny jallooyn oc y lhieggal, as ny keylljyn oc y yiarey sheese, as ny jallooyn grainnit oc y lostey lesh aile.

Ashlish 13:1

As hass mee er genniagh ny marrey, as honnick mee beisht troggal ass yn aarkey, lesh shiaght king, as jeih eairkyn, as er e eairkyn jeih attaghyn, as er ny king echey va enmyn mollaghtagh.

Briwnyn 2:2

As cha jean shiu coardail erbee rish cummaltee yn cheer shoh; nee shiu ny altaryn oc y lhieggal: agh cha vel shiu er ve biallagh gys my choraa: cre’n-fa ta shiu er n’yannoo shoh?