Deuteronomy 12:2 - Yn Vible Casherick 1775 1819

² Ver shiu dy bollagh naardey dy chooilley ynnyd, raad ren ny ashoonyn, vees eu son eiraght, shirveish ny jeeghyn ocsyn, er ny sleityn ard, as er ny croink, as fo dy chooilley villey glass.

Deuteronomy 12:2 ပူးပေါင်းရင်းမြစ်များ

1 Reeaghyn 14:23

Son ren adsyn myrgeddin troggal daue hene ynnydyn ard, as jallooyn, as keylljyn, er dy chooilley chronk ard, as fo dy chooilley villey glass.

1 Reeaghyn 3:2

Agh dy ren y pobble oural y hebbal ayns ny ard-ynnydyn, er-yn-oyr nagh row thie troggit gys ennym y Chiarn gys y traa shoh.

2 Reeaghyn 11:18

As hie ooilley pobble ny cheerey stiagh ayns thie Vaal, as vrish ad eh sheese, e altaryn as e yallooyn vrish ad ayns peeshyn, as varr ad Mattan saggyrt Vaal ec ny altaryn. As doardee’n saggyrt shirveishee harrish thie’n Chiarn.

2 Reeaghyn 16:4

As ren eh chebbal as lostey incense ayns ny ynnydyn ardey, as er ny croink, as fo dy chooilley villey glass.

2 Reeaghyn 23:13

As ny ard-ynnydyn va roïe ayns Jerusalem, va er laue yesh slieau ny oliveyn, va Solomon ree Israel er hroggal son Ashtoreth jalloo ny Zidonianee, as son Chemosh jalloo ny Moabiteyn, as son Milcom jalloo cloan Ammon, ren y ree an-chasherick.

Psalmyn 78:58

Agh hyndaa ad nyn gooyl, as huitt ad ersooyl goll-rish ny shenn-ayraghyn oc: lheim ry-lhiattee myr bow brisht.

Exodus 23:24

Cha jean oo croymmey sheese gys ny jeeghyn oc, ny shirveish ad, ny jannoo lurg nyn obbraghyn, agh nee oo stroie ad dy bollagh, as slane brishey ny jallooyn oc.

Isaiah 36:7

Agh my jir oo rhym, Ta shin treishteil ayns y Chiarn nyn Yee: nagh nee shen eshyn, ny ynnydyn ard as ny altaryn echeysyn ta Hezekiah er ghoaill ersooyl, as er ghra rish Judah as Jerusalem, Ec yn altar shoh nee shiu ooashlaghey?

Jeremiah 17:2

Choud as ta nyn gloan freayll ayns cooinaghtyn ny altaryn eu, as ny keylljyn dy viljyn glassey er ny croink ard.

Jeremiah 2:20

Son ’sy chenn earish ren mish dty whing y vrishey, as scoltey dty gheulaghyn; as dooyrt oo, Cha jean-ym olk y yannoo arragh; ec y traa cheddin er dy chooilley chronk ard, as fo dy chooilley villey glass, v’ou rouail mygeayrt, geiyrt er maarderys.

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 3:2

Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Jeremiah 3:6

Dooyrt y Chiarn myrgeddin rhym rish lhing Yosiah yn ree, Vel oo er chur tastey da shen ta Israel chooyl-skyrraghtyn er n’yannoo? t’ee er n’gholl seose er dy chooilley lieau ard, as fo dy chooilley villey glass, as ayns shen t’ee er n’yannoo maarderys.

Hosea 4:13

T’ad ouralley er mullagh ny sleityn, as lostey incense er ny croink fo biljyn-darragh, as poplar, as lhieuan, son dy vel y scadoo oc mie: shen-y-fa ver ny inneenyn eu rish maarderys, as ny mraane eu rish brishey-poosey.

Earrooyn 22:41

As haink eh gy-kione laa-ny-vairagh, dy ghow Balak Balaam, as hug eh lesh eh seose gys ynnydyn ard Vaal, dy voddagh eh veih shen fakin yn ayrn sodjey magh jeh’n pobble.

Deuteronomy 7:5

Agh shoh myr nee shiu dellal roo; nee shiu nyn altaryn y stroie, as ny jallooyn oc y lhieggal, as ny keylljyn oc y yiarey sheese, as ny jallooyn grainnit oc y lostey lesh aile.

Briwnyn 2:2

As cha jean shiu coardail erbee rish cummaltee yn cheer shoh; nee shiu ny altaryn oc y lhieggal: agh cha vel shiu er ve biallagh gys my choraa: cre’n-fa ta shiu er n’yannoo shoh?