Deuteronomy 11:9 - Yn Vible Casherick 1775 1819

⁹ As dy vod ny laghyn eu ve beayn ayns y cheer vreear y Chiarn dy choyrt da nyn ayraghyn, as da nyn sluight, cheer ta palchey ayns bainney as mill.

Deuteronomy 11:9 ပူးပေါင်းရင်းမြစ်များ

Exodus 20:12

Cur arrym da dt’ayr as da dty voir: dy vod dty laghyn ve beayn er y thalloo, ta’n Chiarn dty Yee dy chur dhyt.

Exodus 3:8

As ta mee er jeet neose, dy livrey ad ass laue ny Egyptianee, as dy chur lhiam ad seose veih’n cheer shen, gys cheer mie, as mooar, gys cheer ayn ta palchey bainney as mill: gys ynnyd ny Canaaniteyn, as ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn.

Raaghyn Creeney 10:27

Ta aggle y Chiarn beaynaghey laghyn: agh bee bleeantyn ny mee-chrauee goit giare.

Raaghyn Creeney 3:16

Ta beaynid laghyn ayns y laue yesh eck, as ayns e laue chiare berchys as ooashley.

Raaghyn Creeney 3:2

Son lhiurid laghyn, as bea veayn, as shee, nee ad bishaghey ort.

Raaghyn Creeney 9:11

Son liorym’s bee dty laghyn ymmodee, as bleeantyn dty vea er ny vishaghey.

Ezekiel 20:6

Er y laa cheddin, er hrog mee seose my laue huc, dy chur lhiam ad magh veih cheer Egypt, gys cheer va mee er chronnaghey er nyn son, taal lesh mill as bainney; ta gloyr dagh cheer:

Deuteronomy 1:8

Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 11:10

Son cha vel y cheer, ta kiarit son y chummal ayd’s, myr thalloo Egypt, voish ta shiu er jeet magh, raad chuirr oo dty rass, as hyndaa oo yn ushtey er lesh dty chass, myr garey dy lossreeyn:

Deuteronomy 11:21

Dy vod ny laghyn eu hene, as laghyn nyn gloan ve beayn ’sy cheer, vreear y Chiarn dy choyrt da dty ayraghyn, choud as vees y seihll er-mayrn.

Deuteronomy 4:40

Nee oo er-y-fa shen freayll e lattyssyn as e annaghyn ta mish dy harey dhyt’s jiu, dy vod oo hene ve maynrey, as dty chloan dty lurg, as dy vod dty laghyn ve foddey beayn ’sy cheer, ta’n Chiarn dty Yee coyrt dhyt.

Deuteronomy 5:16

Cur arrym da dt’ayr, as da dty voir, myr ren y Chiarn dty harey; dy vod dty laghyn ve foddey beayn, as dy vod oo ve maynrey ayns y cheer ta’n Chiarn dty Yee dy chur dhyt.

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Deuteronomy 6:18

As nee oo shen ta cairagh as mie ayns shilley yn Chiarn; dy vod oo ve maynrey, as dy vod oo goll stiagh, as soylley y ghoaill jeh’n cheer mie shen, vreear y Chiarn da dty ayraghyn;

Deuteronomy 6:2

Dy voddagh oo goaill aggle roish y Chiarn dty Yee, dy reayll ooilley e lattyssyn, as e oardaghyn ta mee dy harey dhyt; oo hene, as dty vac, as cloan dty chlienney, ooilley laghyn dty vea, as dy vod dty laghyn ve beayn.

Deuteronomy 6:3

Eaisht er-y-fa shen, O Israel, as gow tastey dy yannoo eh, dy vod oo ve maynrey, as dy vod shiu bishaghey dy mooar, myr ta’n Chiarn Jee dty ayraghyn er yialdyn dhyt, ’sy cheer ta palchey ayns bainney as mill.

Deuteronomy 8:7

Son ta’n Chiarn dty Yee coyrt lesh oo gys cheer mie, cheer dy strooanyn ushtey, dy farraneyn, as diunidyn ta geill ass glionteenyn, as croink;

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.