Deuteronomy 11:3 - Yn Vible Casherick 1775 1819

³ As e virrilyn, as ny obbraghyn ren eh ayns mean Egypt, rish Pharaoh ree Egypt, as rish ooilley e heer,

Deuteronomy 11:3 ပူးပေါင်းရင်းမြစ်များ

Psalmyn 135:9

T’eh er hoilshaghey cowraghyn as yindyssyn ayns y vean ayd’s, O heer Egypt: er Pharaoh as ooilley e vooinjer.

Exodus 7:8

As loayr y Chiarn rish Moses, as rish Aaron, gra.

Deuteronomy 1:30

Nee’n Chiarn y Jee eu, ta goll reue, caggey er nyn son, cordail rish ooilley ny ren eh ayns nyn lieh, ayns Egypt, kiongoyrt rish ny sooillyn eu:

Deuteronomy 11:4

As cre ren eh rish sheshaght-caggee Egypt, rish nyn gabbil, as nyn fainee, kys hug eh er ushtaghyn yn Aarkey Jiarg dy heet dy cheilley orroo, myr v’ad er nyn eiyrt’s, as kys ta’n Chiarn er stroie ad gys y laa jiu.

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?

Deuteronomy 7:19

Ny prowallyn mooarey honnick dty hooillyn, as ny cowraghyn, as ny yindyssyn, as y laue niartal, as y roih sheeynt magh, lhieu ren y Chiarn dty Yee uss y chur lesh magh: y lheid cheddin nee’n Chiarn y Jee ayd’s rish dy chooilley ashoon, roue ta aggle ort.