Deuteronomy 10:9 - Yn Vible Casherick 1775 1819

⁹ Shen-y-fa cha vel ayrn ny eiraght ec Levi marish e vraaraghyn: yn Chiarn yn eiraght echey, rere myr yiall y Chiarn dty Yee da.

Deuteronomy 10:9 ပူးပေါင်းရင်းမြစ်များ

Ezekiel 44:28

As cha bee eiraght erbee oc: mish yn eiraght ocsyn: as cha der shiu state-hallooin daue ayns Israel; ta mish daue ayns ynnyd state-hallooin.

Earrooyn 26:62

As v’adsyn v’er nyn earroo jeu, three thousaneyn as feed, ooilley fyrrynee veih mee dy eash as erskyn: son v’ad er nyn earroo er-lheh veih cloan Israel, er-yn-oyr nagh row eiraght erbee soit magh daue, mastey cloan Israel.

Jannoo 8:21

Cha vel aart ny paart ayd ’sy chirveish shoh: son cha vel dty chree ynrick ayns shilley Yee.

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

Deuteronomy 14:27

As y Levite t’er cheu-sthie jeh dty yiattyn, cha jean oo treigeil eh: son nagh vel ayrn ny eiraght echey mayrt.

Deuteronomy 14:29

As hig y Levite (son nagh vel ayrn ny eiraght echey mayrt) as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn, as nee ad gee, as bee ad jeant magh: dy vod yn Chiarn dty Yee oo y vannaghey ayns dy chooilley obbyr t’ou cur dty laue huggey.

Joshua 14:3

Son va Moses er choyrt eiraght da daa hribe as lieh-tribe cheu elley dy Yordan: agh da ny Leviteyn cha dug eh veg yn eiraght ny mast’ oc.