Deuteronomy 10:8 - Yn Vible Casherick 1775 1819

⁸ Ec y traa shen ren y Chiarn cloan Levi y reih, dy ymmyrkey arg chonaant y Chiarn, dy hassoo kiongoyrt rish y Chiarn, dy yannoo shirveish da, as dy vannaghey ayns yn ennym echey, gys y laa jiu.

Deuteronomy 10:8 ပူးပေါင်းရင်းမြစ်များ

1 Reeaghyn 8:6

As hug ny saggyrtyn lhieu stiagh arg conaant y Chiarn gys e ynnyd, eer gys ynnyd smoo casherick y thie, ta shen, fo skianyn ny cherubim.

1 Recortyssyn 15:2

Eisht dooyrt David, Cha vel eh lowit da feallagh erbee dy ymmyrkey arg Yee agh ny Leviteyn: son adsyn ta’n Chiarn er reih dy chur lhieu arg Yee, as dy yannoo shirveish da, son dy bragh.

1 Recortyssyn 15:26

As haink eh gy-kione myr va Jee cooney lesh ny Leviteyn va gymmyrkey arg conaant y Chiarn; dy heb ad shiaght dew, as shiaght reaghyn.

1 Recortyssyn 23:13

Mec Amram; Aaron as Moses: as va Aaron soit er-lheh, dy hirveish ayns yn ynnyd smoo casherick, eh-hene as e vec dy kinjagh, dy hebbal incense kiongoyrt rish y Chiarn, dy yannoo shirveish da, as dy vannaghey ayns e ennym son dy bragh.

1 Recortyssyn 23:26

As rish ny Leviteyn myrgeddin: cha bee eh orroo arragh dy ymmyrkey’n cabbane-agglish, ny veg jeh ny siyn son y chirveish echey.

2 Recortyssyn 29:11

My chloan, ny bee-jee nish almoragh: son ta’n Chiarn er reih shiuish dy hassoo kiongoyrt rish, dy hirveish eh, dy choyrt ooashley da, as dy hebbal oural.

2 Recortyssyn 30:27

Eisht hass ny saggyrtyn ny Leviteyn seose, as vannee ad y pobble: as va nyn goraa er ny chlashtyn, as hie nyn badjer seose gys ynnyd e chasherickys, eer gys niau.

Psalmyn 134:1

Cur-jee my-ner nish, moylley-jee yn Chiarn: ooilley shiuish sharvaantyn y Chiarn;

Psalmyn 134:2

Shiuish ta ’syn oie shassoo [shirveish] ayns thie yn Chiarn: dy jarroo ayns cooyrtyn thie yn Jee ain.

Psalmyn 135:2

Shiuish ta shassoo ayns thie yn Chiarn: ayns cooyrtyn thie yn Jee ain.

Jeremiah 15:19

Shen-y-fa myr shoh ta’n Chiarn dy ghra, My hyndaa-ys oo, eisht ver-ym lhiam oo reesht, as nee oo shassoo kiongoyrt rhym: as my scarrys oo yn mie veih yn sie, bee oo myr y beeal aym’s: lhig dauesyn chyndaa hood’s; agh ny chyndaa uss hucsyn.

Ezekiel 44:11

Foast bee ad shirveishee ayns my ynnyd casherick, lesh currym giattey yn thie orroo, as shirveish mygeayrt y chiamble: nee ad marroo yn oural-losht, as oural y phobble, as nee ad shassoo rhymboo, dy hirveish foue.

Ezekiel 44:15

Agh ny saggyrtyn ny Leviteyn, mec Zadok, dreill currym yn ynnyd casherick, tra hie cloan Israel er-shaghryn voym, hig ad shoh er-gerrey dy yannoo shirveish dou, as nee adsyn shassoo kiongoyrt rhym dy hebbal dooys yn eeh, as yn uill, ta’n Chiarn Jee dy ghra.

Leviticus 8:9

As hug eh yn mitre er e chione; myrgeddin er y mitre, kiart er glaare yn eddin echey hug eh yn plate airhey, yn crown casherick, myr doardee’n Chiarn da Moses.

Leviticus 9:22

As hrog Aaron seose e laue lesh y pobble, as vannee eh ad; as haink eh sheese veih chebbal yn oural-peccah, as yn oural-losht, as ny ourallyn-shee.

Earrooyn 3:31

As er yn currym oc vees yn arg, as y boayrd, as y kainlere, as ny altaryn, as siyn yn ynnyd casherick lhieu t’ad shirveish, as y coodagh, as ooilley ny ta son y chirveish echey.

Earrooyn 3:6

Cur lhiat tribe Levi er-gerrey, as cheb ad kionfenish Aaron y taggyrt, dy vod ad shirveish fo.

Earrooyn 4:15

As tra vees Aaron as e vec erreish coodaghey yn ynnyd casherick, as ooilley ny siyn casherick, myr ta’n camp dy gholl er y hoshiaght; lurg shen, hig mec Kohath dy choyrt lhieu eh; agh cha negin daue bentyn rish nhee casherick erbee, er-aggle dy vow ad baase. Ta ny reddyn shoh errey mec Kohath, ayns cabbane-agglish y cheshaght.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Jannoo 13:2

As myr v’ad shirveish gys y Chiarn as trostey, dooyrt y Spyrryd Noo, Reih-jee magh dooys Barnabas as Saul, son yn obbyr huggey ta mee er n’eamagh ad.

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

Romanee 12:7

Ny shirveish, lhig dooin tastey y choyrt da’n chirveish ain; ny eshyn ta gynsaghey, da ynsagh;

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

Galatianee 1:15

Agh tra by-chooidsave lesh Jee, ren mish y reih veih breïn my vayrey, as deïe eh orrym liorish e ghrayse,

Deuteronomy 17:12

As y dooinney nee er e chione hene, as nagh n’eaisht rish y taggyrt (ta shassoo dy yannoo shirveish ayns shen kiongoyrt rish y Chiarn dty Yee) ny rish y vriw, bee’n dooinney shen er ny choyrt gy-baase: as ver oo yn olk ersooyl veih Israel.

Deuteronomy 18:5

Son ta’n Chiarn dty Yee er reih eshyn ass ooilley dty hribeyn, dy yannoo shirveish kinjagh ayns ennym y Chiarn, eh hene as e vec son dy bragh.

Deuteronomy 21:3

As nee shanstyr yn ard-valley shen, ta by-niessey da’n dooinney marroo, colbagh y ghoaill nagh row rieau obbrit, ny er hayrn ’sy whing.

Deuteronomy 21:5

As hig ny saggyrtyn mec Levi er-gerrey (son adsyn ta’n Chiarn dty Yee er reih dy hirveish da, as dy vannaghey ayns ennym y Chiarn) as liorish y vriwnys ocsyn vees dy chooilley streeu, as dy chooilley vuilley er ny reaghey.

Deuteronomy 31:9

As scrieu Moses yn leigh shoh, as hug eh eh fo currym ny saggyrtyn, mec Levi, va gymmyrkey arg conaant y Chiarn, as da ooilley shanstyr Israel.