Deuteronomy 10:5 - Yn Vible Casherick 1775 1819

⁵ As hyndaa mee as haink mee neose jeh’n chronk, as hug mee ny buird ’syn arg va mee er n’yannoo, as shen y raad t’ad, myr hug y Chiarn sarey dou.

Deuteronomy 10:5 ပူးပေါင်းရင်းမြစ်များ

Exodus 25:16

As ver oo ayns yn arg recortys Yee ver-yms dhyt.

Exodus 25:21

As ver oo seose stoyl y vyghin ayns yn arg; as ayns yn arg ver oo buird y leigh ver-yms dhyt.

Exodus 32:15

As hyndaa Moses, as hie eh sheese jeh’n chronk, as va daa voayrd yn eanish ayns e laue; va ny buird scruit er dagh cheu; er y derrey heu as er y cheu elley v’ad er nyn scrieu.

Exodus 34:28

As v’eh ayns shen marish y Chiarn da-eed laa as da-eed oie: cha ren eh gee arran, ny giu ushtey; as scrieu eh er ny buird focklyn y chonaant, ny jeih annaghyn.

Exodus 34:29

As haink eh gy-kione, tra haink Moses neose jeh slieau Sinai, (as daa voayrd yn eanish ayns laue Voses, tra haink eh neose jeh’n slieau) nagh row fys ec Moses, dy row soilshey gloyroil er e eddin, choud’s v’eh taggloo rish.

Exodus 40:20

As hug eh buird ny jeih annaghyn ayns yn arg, as ny looghyn rish yn arg, as hug eh stoyl y vyghin kione heose yn arg.

Deuteronomy 10:2

As neem’s scrieu er ny buird ny goan v’er ny chied vuird, ren uss y vrishey, as ver oo ad ’syn arg.

Deuteronomy 9:15

Er shoh hyndaa mee as haink mee neose jeh’n chronk, as va’n chronk ooilley ayns aile: as va daa voayrd y chonaant ayns my ghaa laue.

Joshua 4:9

As ren Joshua soiaghey seose daa chlagh jeig ayns mean Yordan, ayns yn eer ynnyd ren cassyn ny saggyrtyn dymmyrk arg y chonaant shassoo er: as t’ad ayns shen gys y laa t’ayn jiu.