Deuteronomy 1:8 - Yn Vible Casherick 1775 1819

⁸ Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 1:8 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 15:16

Agh ayns y chiarroo heeloghe hig ad gys shoh reesht: son cha vel mee-chraueeaght ny Amoriteyn foast er jeet gys yn yrjid.

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

Nehemiah 9:15

As hug oo daue arran veih niau, dy yannoo magh ad, as hug oo lhiat ushtey daue ass y chreg, dy chuir nyn baa, as yiall oo daue, dy ragh ad stiagh dy chummal ayns y cheer, v’ou er vreearrey dy choyrt daue.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Exodus 33:1

As dooyrt y Chiarn rish Moses, Immee royd, as fow seose, uss as y pobble hug oo lhiat magh ass cheer Egypt, gys y cheer vreear mee da Abraham, da Isaac, as da Jacob, gra, Da’n sluight ayd’s ver-ym eh.

Jeremiah 32:22

As t’ou er hoiaghey ad ’sy cheer shoh, ren oo breearrey da nyn ayraghyn dy choyrt daue, cheer palchey ayns bainney as mill;

Ezekiel 47:14

As nee shiu shen y ghoaill myr eiraght, chammah fer as fer elley: my-e-chione ren mee breearrey dy choyrt shen da nyn ayraghyn, as nee yn thalloo goll lhieuish myr eiraght.

Earrooyn 14:23

Son shickyrys, cha vaik ad y cheer ren mish breearrey da ny ayraghyn oc, chamoo nee veg jeusyn t’er m’y vrasnaghey, fakin eh:

Earrooyn 32:11

Son shickyrys, cha jean veg jeh ny deiney haink seose ass Egypt, veih feed bleïn dy eash as erskyn, fakin y cheer loo mee da Abraham, da Isaac, as da Jacob; kyndagh nagh vel adsyn dy slane er n’eiyrt orrym:

Deuteronomy 1:11

(Dy der Jee nyn ayraghyn diuish dy ve thousane keayrt smoo na ta shiu, as dy bannee eh shiu myr yiall eh diu).

Deuteronomy 1:35

Dy jarroo firrinagh, cha jean unnane jeh deiney yn drogh heeloghe shoh fakin y cheer mie shen, yiall mee dy choyrt da nyn ayraghyn;

Deuteronomy 10:11

As dooyrt y Chiarn rhym, Trog ort, gow dty yurnah ec kione y pobble shoh, dy vod ad goll stiagh as goaill possession jeh’n cheer, vreear mee da ny ayraghyn oc dy choyrt daue.

Deuteronomy 11:24

Lhieuish vees dy chooilley ynnyd ver shiu boyn nyn goshey er: veih’n aasagh, as Lebanon, veih’n awin, awin Euphrates, choud as yn aarkey sodjey magh, vees nyn gagliagh.

Deuteronomy 11:9

As dy vod ny laghyn eu ve beayn ayns y cheer vreear y Chiarn dy choyrt da nyn ayraghyn, as da nyn sluight, cheer ta palchey ayns bainney as mill.

Deuteronomy 2:29

(Myr ren cloan Esau ta cummal ayns Seir, as ny Moabiteyn ta cummal ayns Ar y yannoo rhym) derrey vee’m harrish Jordan, gys y cheer ta’n Chiarn nyn Yee dy choyrt dooin.

Deuteronomy 26:15

Jeeagh neose veih dty chummal casherick, veih niau, as bannee dty phobble Israel, as y cheer t’ou er choyrt dooin, myr t’ou er vreearrey da nyn ayraghyn: cheer ayn ta palchey bainney as mill.

Deuteronomy 26:3

As hed oo gys y taggyrt vees ayns ny laghyn shen, as jir oo rish, Ta mee goaill-rish jiu gys y Chiarn my Yee, dy vel mee er roshtyn gys y cheer, ren y Chiarn breearrey da nyn ayraghyn, dy choyrt dooinyn.

Deuteronomy 28:11

As nee’n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

Deuteronomy 29:12

Dy ragh oo ayns conaant rish y Chiarn dty Yee, as e vreearrey, ta’n Chiarn dty Yee dy yannoo rhyt yn laa jiu:

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

Deuteronomy 31:7

As deïe Moses er Joshua, as dooyrt eh rish, ayns clashtyn ooilley Israel, Bee lajer as dunnal; son shegin dhyt’s goll marish y pobble shoh gys y cheer, ta’n Chiarn er vreearrey da nyn ayraghyn dy choyrt daue: as ver uss ad ayns possession.

Deuteronomy 34:4

As dooyrt y Chiarn rish, Shoh’n cheer vreear mee da Abraham, da Isaac, as da Jacob, gra, Ver-yms eh da dty luight: ta mee er choyrt shilley dhyt jeh, agh cha jed oo harrish huggey.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 6:10

As erreish da’n Chiarn dty Yee v’er choyrt lesh oo stiagh, gys y cheer vreear eh da dty ayraghyn, da Abraham, Isaac, as Jacob, dy chur dhyt ard-valjyn mooar as aalin, nagh ren uss troggal,

Deuteronomy 7:12

Shen-y-fa hig eh gy-kione, my eaishtys shiu rish ny briwnyssyn shoh, dy reaylley as dy yannoo ad; dy jean y Chiarn dty Yee freayll rhyt’s yn conaant as y myghin vreear eh da dty ayraghyn.

Deuteronomy 7:13

As ver eh graih dhyt, as nee eh dty vannaghey, as dty vishaghey: ver eh myrgeddin bannaght er sluight dty vreïn, as mess dty hallooin, arroo as feeyn, as ooil as bishaght dty helloo, as dty hioltaneyn keyrragh, ayns y cheer vreear eh da dty ayraghyn dy choyrt dhyt.

Deuteronomy 7:8

Agh son dy row eh aigney-mie yn Chiarn dy choyrt graih diu, as dy chooilleeney yn breearrey ren eh da ny ayraghyn eu, ta’n Chiarn er choyrt lesh shiu magh lesh laue niartal, as er livrey shiu ass thie ny bondiaght, veih laue Pharaoh ree Egypt.

Deuteronomy 8:1

Ver shiu tastey dy chooilleeney ooilley ny annaghyn ta mee dy harey dhyt jiu, dy vod shiu ve beayn, as bishaghey, as goll stiagh, dy ghoaill possession jeh’n cheer, vreear y Chiarn da ny ayraghyn eu.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.

Hebrewnee 6:13

Son tra ren Jee gialdyn y yannoo da Abraham, er-yn-oyr nagh voddagh eh loo liorish fer syrjey, loo eh liorish hene,

Hebrewnee 6:14

Gra, Dy firrinagh, lesh bannaght, nee’m uss y vannaghey, as lesh bishagh, nee’m uss y vishaghey.

Joshua 1:6

Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.