Deuteronomy 1:7 - Yn Vible Casherick 1775 1819

⁷ Chyndaa-jee, as gow-jee nyn yurnah, as immee-jee, gys cheer-ard ny Amoriteyn, as gys ooilley ny ynnydyn t’er-gerrey da, ’sy thalloo-rea, ayns ny croink, as ’sy choan, as ayns y jiass, as rish oirr ny marrey, gys cheer ny Canaaniteyn, as gys Lebanon, gys yn awin mooar shen, awin Euphrates.

Deuteronomy 1:7 ပူးပေါင်းရင်းမြစ်များ

Genesis 12:9

As ghow Abram e yurnah, goll er e hoshiaght my-yiass.

2 Samuel 8:3

As woaill David myrgeddin Hadadezer mac Rehob, ree Zobah, myr hie eh dy hickyraghey e reeriaght ec awin Euphrates.

1 Recortyssyn 18:3

As woaill David Hadarezer ree Zobah, ec Hamath, myr hie eh dy yannoo mie e reeriaght liorish awin Euphrates.

1 Recortyssyn 27:29

As harrish y maase va goaill ayns Sharon va Shitrai yn Sharonite: as harrish y maase va goaill ayns ny coanyn, va Shaphat mac Adlai.

1 Recortyssyn 5:9

As lesh y shiar, va e chummal gys oirr yn aasagh, veih awin Euphrates: son dy row’n maase oc er ny vishaghey ayns cheer Ghilead.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Earrooyn 10:12

As ghow cloan Israel nyn yurnah magh ass faasagh Sinai; as hass y bodjal ayns faasagh Paran.

Deuteronomy 1:19

As tra daag shin Horeb, hie shin trooid ooilley’n faasagh mooar as atchimagh shen, honnick shiu er raad cheer-ard ny Amoriteyn, myr hug y Chiarn nyn Yee sarey dooin: as haink shin gys Kadesh-barnea.

Deuteronomy 11:11

Agh ta’n cheer ta shiu ry-hoi cummal ayn, ny heer dy chroink as coanyn, er ny ooraghey lesh fliaghey yn aer:

Deuteronomy 11:24

Lhieuish vees dy chooilley ynnyd ver shiu boyn nyn goshey er: veih’n aasagh, as Lebanon, veih’n awin, awin Euphrates, choud as yn aarkey sodjey magh, vees nyn gagliagh.

Joshua 1:4

Veih’n aasagh as Lebanon shoh, eer gys yn awin vooar, yn awin Euphrates, ooilley cheer ny Hittiteyn, as gys yn aarkey vooar lesh lhie ny greiney vees cagliagh y cheer eu.

Joshua 10:40

Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

Joshua 9:1

As haink eh gy-kione, tra cheayll ooilley ny reeaghyn va er cheu shoh dy Yordan jeh, ayns ny sleityn, as ayns ny coanyn, as ayns ooilley slystyn yn aarkey vooar jeeragh er Lebanon, yn Hittite, as yn Amorite, yn Canaanite, yn Perizzite, yn Hivite, as y Jebusite.

Ashlish 9:14

Gra rish y cheyoo ainle echey va’n cayrn, Feayshil ny kiare ainleyn ta kianlt ayns awin vooar Euphrates.