Deuteronomy 1:2 - Yn Vible Casherick 1775 1819

² (Ta jurnah un laa jeig, veih Horeb raad cronk Seir, gys Kadesh-barnea,)

Deuteronomy 1:2 ပူးပေါင်းရင်းမြစ်များ

Genesis 32:3

As hug Jacob chaghteryn roish gys Esau e vraar, gys thalloo Seir, cheer Edom.

Exodus 17:6

Cur-my-ner, shass-yms kiongoyrt rhyt ayns shen, er y chreg ayns Horeb: as nee uss bwoalley’n chreg, as hig ushtey magh ass, dy vod y pobble giu. As ren Moses shen ayns shilley shanstyr Israel.

Exodus 3:1

Nish va Moses ny vochilley er shioltane Jethro e ayr-’sy-leigh, saggyrt Vidian: as ren eh leeideil yn shioltane gys cooyl yn aasagh, as haink eh gys slieau Yee, eer gys Horeb.

Leviticus 2:14

As my t’ou chebbal oural-arran jeh toshiaght dty vessyn da’n Chiarn, nee oo chebbal, son yn oural-arran jeh dty chied-vessyn, jeeassyn glass dy arroo, chyrmit rish yn aile, eer arroo bwoailt magh ass jeeassyn lane.

Leviticus 9:23

As hie Moses as Aaron stiagh ’sy chabbane-agglish, as haink ad magh, as vannee ad yn pobble: as va gloyr y Chiarn er ny hoilshaghey da ooilley’n pobble.

Earrooyn 13:26

As jimmee ad, as haink ad gys Moses, as gys Aaron, as gys ooilley sheshaght cloan Israel, gys faasagh Paran, gys Kadesh; as hug ad lhieu fys huc, as gys ooilley’n cheshaght, as yeeagh ad daue mess y cheer.

Earrooyn 32:8

Shoh myr ren nyn ayraghyn, tra hug mish ad veih Kadesh-barnea, dy scrial y cheer:

Deuteronomy 1:19

As tra daag shin Horeb, hie shin trooid ooilley’n faasagh mooar as atchimagh shen, honnick shiu er raad cheer-ard ny Amoriteyn, myr hug y Chiarn nyn Yee sarey dooin: as haink shin gys Kadesh-barnea.

Deuteronomy 1:44

As haink ny Amoriteyn, va cummal ’sy clieau shen, magh nyn ’oï, as ren ad shiu y ghah myr shellanyn, as stroie ad shiu veih Seir, eer gys Hormah.

Deuteronomy 2:1

Eisht hyndaa shin, as ghow shin nyn yurnah veih Kadesh gys yn aasagh, rish raad yn Aarkey Jiarg, myr doardee’n Chiarn dou: as duirree shin rish ymmodee laghyn mygeayrt cronk Seir.

Deuteronomy 2:4

As cur uss sarey da’n pobble, gra, Ta shiu dy gholl trooid ardjyn nyn mraaraghyn cloan Esau, ta cummal ayns Seir, as bee ad ayns aggle reue: shen-y-fa bee-jee er nyn dwoaie.

Deuteronomy 2:8

As lurg dooin v’er gholl shaghey, veih nyn mraaraghyn cloan Esau, va cummal ayns Seir, trooid raad y choan, veih Elath, as veih Ezion-gaber, ghow shin raad faasagh Voab.

Deuteronomy 9:23

Myrgeddin, tra hug y Chiarn shiu veih Kadesh-barnea, gra, Immee-jee seose, as gow-jee possession jeh’n cheer ta mee er choyrt diu; ren shiu eisht girree magh noi sarey yn Chiarn y Jee eu, as cha ren shiu credjal eh, ny geaishtagh rish e choraa.

Joshua 14:6

Eisht haink cloan Yudah gys Joshua ayns Gilgal: as dooyrt Caleb mac Jephunneh yn Kenezite rish, Ta fys ayd cre dooyrt y Chiarn rish Moses yn dooinney dy Yee mychione mish as uss ayns Kadesh-barnea.