Deuteronomy 1:16 - Yn Vible Casherick 1775 1819

¹⁶ As hug mee currym da ny briwnyn eu ec y traa shen, gra, Cur-jee clashtyn da ny cooishyn ta eddyr nyn mraaraghyn, as cur-jee briwnys cairagh, eddyr dy chooilley ghooinney as e vraar, as y joarree ta ny mast’ eu.

Deuteronomy 1:16 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

2 Samuel 23:3

Ta Jee Israel er ghra, ta creg Israel er loayrt rhym’s, Shegin dasyn ta reill harrish deiney ve cairagh, reill ayns aggle Yee:

Psalmyn 58:1

Vel nyn aignaghyn soit er cairys, O shiuish phobble: as vel shiu briwnys shen ta cairagh, O shiuish cloan gheiney?

Exodus 22:21

Cha jean oo seaghney joarree, chamoo nee oo tranlaase er: son va shiu hene nyn yoarreeyn ayns cheer Egypt.

Raaghyn Creeney 31:9

Foshil dty veeal, cur briwnys cairal, as loayr ayns cooish ny boghtyn as ymmyrchee.

Leviticus 19:15

Cha jean shiu veg y neu-chairys ayns briwnys; cha jean oo soiaghey jeh persoon y voght, ny cur geill da persoon y verchagh: agh ayns cairys nee uss briwnys dty naboo.

Leviticus 24:22

Yn un leigh vees eu, chammah son y joarree, as son fer jeh’n cheer eu hene: son mish y Chiarn y Jee eu.

Earrooyn 27:19

As lhig da cheet kionfenish Eleazar y saggyrt, as fenish ooilley’n cheshaght: as cur e churrym da kiongoyrt roo.

Noo Ean 7:24

Ny jean-jee briwnys rere yn caslys, agh jean-jee briwnys cairagh.

Deuteronomy 1:15

Er shen ghow mee ard-gheiney ny tribeyn eu, deiney creeney, as dy ghoo mie, dy reill harrishdiu, captanyn er thousaneyn, as captanyn er keeadyn, as captanyn er jeih as da-eed, as captanyn er jeih, as offishearyn mastey ny tribeyn.

Deuteronomy 24:14

Cha jean oo tranlaase er sharvaant faillagh ta boght as ymmyrchagh, edyr eh dy ve jeh dty vraaraghyn, ny jeh dty yoarreeyn, t’ayns dty heer, er cheu-sthie jeh dty yiattyn.

Deuteronomy 25:1

My vees streeu eddyr deiney, as dy der ad lhieu yn chooish fenish ny briwnyn, eisht nee ad seyrey’n dooinney cairagh, as deyrey’n vee-chairagh.

Deuteronomy 27:11

As hug Moses currym da’n pobble yn laa cheddin, gra,

Deuteronomy 31:14

As dooyrt y Chiarn rish Moses, Cur-my-ner, ta laa dty vaaish tayrn er-gerrey: cur fys er Joshua, as tar-jee m’enish ayns y chabbane-agglish, dy voddym livrey e churrym da. As hie Moses as Joshua, as hass ad ny enish ayns y chabbane-agglish.

1 Thessalonianee 2:11

Myr ta fys eu, kys ren shin coyrlaghey, as gerjaghey, as currymaghey dagh unnane eu (myr ta ayr e chloan)

1 Timothy 5:21

Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

1 Timothy 6:17

Cur currym orroosyn ta berchagh ’sy theihll shoh, nagh bee ad ard-aignagh, ny treishteil ayns berchys neu-hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu: