Deuteronomy 1:11 - Yn Vible Casherick 1775 1819

¹¹ (Dy der Jee nyn ayraghyn diuish dy ve thousane keayrt smoo na ta shiu, as dy bannee eh shiu myr yiall eh diu).

Deuteronomy 1:11 ပူးပေါင်းရင်းမြစ်များ

Genesis 15:5

As hug eh lesh eh magh (’sy vagher) as dooyrt eh rish, jeeagh nish seose ’syn aer, as gow earroo ny rollageyn, my oddys oo ad y choontey: as dooyrt eh rish, Myr shen vees dty luight.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 26:4

As ver-yms er dty luight dy vishaghey myr rollageyn yn aer, as ver-ym da dty luight ooilley ny cheeraghyn shoh; as ayns dty luight vees ooilley ashoonyn y theihll er nyn mannaghey:

Genesis 49:25

Eer liorish Jee dt’ayrey, nee cooney lhiat, as liorish yn ooilley-niartal, nee uss y vannaghey, lesh bannaghtyn niau heose, bannaghtyn y diunid heese, bannaghtyn ny keeaghyn, as y vreïn.

2 Samuel 24:3

As dooyrt Joab rish y ree, Nish dy jean y Chiarn dty Yee bishaghey yn pobble, (cre-erbee t’ad ayns earroo,) keead-filley, as dy vod sooillyn my hiarn y ree fakin eh: agh cre’n-fa ta my hiarn y ree goaill taitnys dy yannoo shoh?

1 Recortyssyn 21:3

As dreggyr Joab, Dy jean y Chiarn bishaghey yn pobble keead keayrt wheesh as t’ad: agh my hiarn as ree, nagh vel ad ooilley sharvaantyn my hiarn? cre’n-fa eisht ta my hiarn shirrey’n red shoh? cre’n-fa vees eh oyr dy hayrn loght er Israel?

Psalmyn 115:14

Nee’n Chiarn shiuish y vishaghey ny smoo as ny smoo: shiuish as nyn gloan.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Ezekiel 16:7

Hug mee ort dy vishaghey myr faiyr y vagheragh, as t’ou er vishaghey, as er n’aase stoamey, as soit magh lesh coamrey ooasle: ta dty cheeaghyn er nyn gummey, as dty olt er n’aase, ga dy r’ou rooisht as meayl.

Earrooyn 22:12

As dooyrt Jee rish Balaam, Cha jed oo mâroo, cha der oo mollaght er y pobble: son t’ad bannit.

Earrooyn 6:27

As ver ad m’ennym’s er cloan Israel, as neem’s ad y vannaghey.

Deuteronomy 1:10

Ta’n Chiarn nyn Yee er vishaghey shiu, as cur-my-ner, ta shiu yn laa jiu, myr rollageyn yn aer ayns earroo.

Deuteronomy 1:12

Kys oddym’s my-lomarcan gymmyrkey ny cooishyn, yn errey, as yn anvea eu?

Deuteronomy 1:8

Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 10:22

Hie dty ayraghyn sheese gys Egypt lesh three-feed as jeih persoonyn, as nish ta’n Chiarn dty Yee er dty vishaghey myr rollageyn yn aer ayns earroo.

Deuteronomy 28:62

As bee shiu faagit beggan ayns earroo, ga dy row shiu myr rollageyn yn aer ayns earroo: er-yn-oyr nagh r’ou biallagh da coraa yn Chiarn dty Yee.