Deuteronomy 1:1 - Yn Vible Casherick 1775 1819

¹ Shoh ny goan, loayr Moses rish ooilley Israel, er y cheu shoh dy Yordan, ayns yn aasagh, ayns y thalloo-rea er-gerrey da’n Aarkey Jiarg, eddyr Paran, as Tophel, as Laban, as Hazeroth, as Dizahab.

Deuteronomy 1:1 ပူးပေါင်းရင်းမြစ်များ

Genesis 21:21

As ren eh cummal ayns faasagh Paran: as hooar e voir ben da, veih cheer Egypt.

1 Reeaghyn 11:18

As hrog ad orroo ass Midian, as haink ad gys Paran, as ghow ad deiney mâroo ass Paran, as haink ad gys Egypt, gys Pharaoh ree Egypt, hug thie ad, as doardee eh da beaghey, as hug eh da thalloo.

Habakkuk 3:3

Haink Jee veih Teman, as yn er-casherick veih slieau Pharan. Selah. Ren y ghloyr echey coodaghey ny niaughyn, as va’n seihll lane jeh e voylley.

Earrooyn 10:12

As ghow cloan Israel nyn yurnah magh ass faasagh Sinai; as hass y bodjal ayns faasagh Paran.

Earrooyn 11:35

As ghow’n pobble nyn yurnah veih Kibroth-hattaavah gys Hazeroth: as ren ad campal ec Hazeroth.

Earrooyn 12:16

As lurg shen ren y pobble scughey veih Hazeroth, as ren ad campal ayns faasagh Paran.

Earrooyn 13:26

As jimmee ad, as haink ad gys Moses, as gys Aaron, as gys ooilley sheshaght cloan Israel, gys faasagh Paran, gys Kadesh; as hug ad lhieu fys huc, as gys ooilley’n cheshaght, as yeeagh ad daue mess y cheer.

Earrooyn 13:3

As ren Moses, liorish sarey’n Chiarn, ad y choyrt magh veih faasagh Paran: va ooilley ny deiney shen fir-reill cloan Israel.

Earrooyn 32:19

Son cha shir mayd eiraght mâroosyn er y cheu elley dy Yordan, ny harrish; er-yn-oyr dy vel yn eiraght ain er duittym hooin er y cheu shoh dy Yordan, lesh y niar.

Earrooyn 32:32

Hem mayd harrish eïllit roish y Chiarn gys cheer Chanaan, dy vod cummal yn eiraght ain ve er y cheu shoh dy Yordan.

Earrooyn 32:5

Shen-y-fa, dooyrt ad, My ta shin er gheddyn foayr ayns dty hilley, lhig da’n cheer shoh ve er ny choyrt da dty harvaantyn son cummal, as ny cur lhiat shin harrish Jordan.

Earrooyn 33:20

As hie ad roue veih Rimmon-parez, as champ ad ayns Libnah.

Earrooyn 33:21

As scugh ad veih Libnah, as ren ad campal ec Rissah.

Earrooyn 34:15

Ta’n daa hribe, as y lieh-tribe er gheddyn nyn eiraght, cheu shoh dy Yordan, er-gerrey da Jericho, er y cheu-har, lesh irree ny greïney.

Earrooyn 35:14

Ver shiu daue three ard-valjyn cheu shoh dy Yordan, as three ard-valjyn ver shiu daue ayns cheer Chanaan, vees ard-valjyn son sauchys.

Deuteronomy 2:8

As lurg dooin v’er gholl shaghey, veih nyn mraaraghyn cloan Esau, va cummal ayns Seir, trooid raad y choan, veih Elath, as veih Ezion-gaber, ghow shin raad faasagh Voab.

Deuteronomy 27:1

As doardee Moses, marish ooilley shanstyr Israel, yn pobble, gra Freill-jee ooilley ny oardaghyn ta mish dy harey diu er y laa shoh.

Deuteronomy 29:1

Shoh goan y chonaant, hug y Chiarn currym er Moses dy yannoo rish cloan Israel ayns cheer Voab, cheu-mooie jeh’n chonaant ren eh roo ayns Horeb.

Deuteronomy 31:1

As hie Moses, as loayr eh ny goan shoh rish ooilley Israel.

Deuteronomy 33:2

As dooyrt eh, Haink y Chiarn [mârin] veih Sinai, as veih Seir v’eh nyn leeideilagh: ren eh soilshean magh veih cronk Paran, as haink eh lesh jeih thousaneyn jeh e nooghyn: veih e laue yesh hie magh e leigh, ayns aile as taarnagh.

Deuteronomy 4:46

Er y cheu shoh dy Yordan, ’sy choan liorish Beth-peor, ayns cheer Sihon ree ny Amoriteyn, va cummal ec Heshbon, ren Moses as cloan Israel y stroie, lurg daue v’er jeet magh ass Egypt:

Deuteronomy 5:1

As deïe Moses er ooilley Israel, as dooyrt eh roo, Eaisht, O Israel, rish ny slattyssyn as ny briwnyssyn, ta mee fockley magh diu yn laa jiu, dy vod shiu gynsaghey ad, as freayll, as cooilleeney ad.

Joshua 22:4

As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

Joshua 22:7

Nish da’n derrey lieh jeh tribe Vanasseh va Moses er choyrt eiraght ayns Bashan; agh da’n lieh elley hug Joshua [eiraght] mastey nyn mraaraghyn er y cheu shoh dy Yordan lesh y sheear. As tra hug Joshua ad ersooyl gys nyn gummallyn, ren eh ad y vannaghey;

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 9:1

As haink eh gy-kione, tra cheayll ooilley ny reeaghyn va er cheu shoh dy Yordan jeh, ayns ny sleityn, as ayns ny coanyn, as ayns ooilley slystyn yn aarkey vooar jeeragh er Lebanon, yn Hittite, as yn Amorite, yn Canaanite, yn Perizzite, yn Hivite, as y Jebusite.

Joshua 9:10

As ooilley ny ren eh rish daa ree ny Amoriteyn, va cheu elley dy Yordan, rish Sihon ree Heshbon, as rish Og ree Vashan, va cummal ayns Ashtaroth.

1 Samuel 25:1

As hooar Samuel baase: as va ooilley ny Israeliteyn er nyn jaglym cooidjagh, as ren ad dobberan er e hon, as doanluck ad eh er-gerrey da e hie ec Ramah. As hrog David er, as hie eh sheese gys faasagh Paran.