Daniel 9:9 - Yn Vible Casherick 1775 1819

⁹ Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Daniel 9:9 ပူးပေါင်းရင်းမြစ်များ

2 Samuel 24:14

As dooyrt David rish Gad, Ta mee ayns chennid vooar: lhig dooin nish tuittym fo laue’n Chiarn, (son ta e vyghinyn mooar,) as ny lhig dou tuittym ayns laue dooinney.

1 Reeaghyn 8:30

As eaisht uss rish aghin dty harvaant, as dty phobble Israel, tra nee ad padjer y ghoaill lesh yn ynnyd shoh: as jean uss clashtyn ayns niau dty ynnyd-vaghee; as tra t’ou clashtyn, jean leih daue.

Nehemiah 9:31

Foast, er graih dty vyghin vooar, cha ren oo ad y stroie dy bollagh, ny treigeil ad, son t’ou dty Yee graysoil as myghinagh.

Psalmyn 130:4

Agh mayrt’s ta myghin: shen-y-fa bee aggle er ny ghoaill royd.

Psalmyn 130:7

O Israel, cur dty hreishteil ayns y Chiarn, son marish y Chiarn ta myghin: as mârishyn ta livrey-ys niartal.

Psalmyn 62:12

As dy vel uss, Hiarn, myghinagh: son t’ou cooilleeney dy chooilley ghooinney cordail rish e obbyr.

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Isaiah 63:7

Neem’s kenjallys-ghraihagh yn Chiarn y hoilshaghey magh, as moylley yn Chiarn, cordail rish ooilley ny ta’n Chiarn er stowal orrin, as y vieys vooar gys thie Israel, t’eh er yiootal orroo cordail rish e vyghinyn, as cordail rish ymmodee e chenjallys ghraihagh.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Ezekiel 20:13

Agh dirree thie Israel magh m’oï ayns yn aasagh: cha jimmee ad ayns my lattyssyn, as hoie ad beg jeh my vriwnyssyn: adsyn my nee dooinney y chooilleeney, bee eh dy jarroo bio ayndoo; as my ghooneeyn ren ad dy naareydagh y vrishey: eisht dooyrt mee, dy jinnin my eulys y gheayrtey magh orroo ayns yn aasagh, dy stroie ad.

Daniel 9:5

Ta shin er n’yannoo peccah, as er chur-rish drogh-yannoo, as er n’yannoo dy peccoil, as er n’irree-magh, eer liorish treigeil dty annaghyn, as dty vriwnyssyn.

Daniel 9:6

Chamoo ta shin er n’eaishtagh rish dty harvaantyn ny phadeyryn, ren loayrt ayns dty ennym rish nyn reeaghyn, nyn brinceyn, as nyn ayraghyn, as rish ooilley pobble y cheer.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.

Daniel 9:8

O Hiarn dooinyn ta bentyn nearey eddin, da nyn reeaghyn, da nyn brinceyn, as da nyn ayraghyn, ayns dy vel shin er n’yannoo peccah dt’oï.

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.