Daniel 9:8 - Yn Vible Casherick 1775 1819

⁸ O Hiarn dooinyn ta bentyn nearey eddin, da nyn reeaghyn, da nyn brinceyn, as da nyn ayraghyn, ayns dy vel shin er n’yannoo peccah dt’oï.

Daniel 9:8 ပူးပေါင်းရင်းမြစ်များ

2 Reeaghyn 21:15

Er-yn-oyr da vel ad er n’yannoo shen ny va olk ayns my hilley, as er m’y vrasnaghey gys corree, er-dyn laa haink nyn ayraghyn magh ass Egypt, eer gys y laa t’ayn jiu.

2 Recortyssyn 6:37

Ny-yeih, my smooinys ad orroo hene ’sy cheer raad t’ad er nyn goyrt lhieu ayns bondiaght, as my hyndaa-ys ad, as padjer y yannoo hood’s ayns cheer nyn gappeeys, gra, Ta shin er n’yannoo peccah, ta shin er n’yannoo dy aggairagh, as er ghellal dy mee-chrauee;

Nehemiah 1:6

Lhig da dty chleaysh nish geaishtagh, as dty hooillyn ’ve foshlit, dy vod oo clashtyn padjer dty harvaant, ta mee goaill kiongoyrt rhyt nish, laa as oie, ayns lieh cloan Israel dty harvaantyn, goaill-rish peccaghyn cloan Israel, ta shin er n’yannoo dt’oï: ta chammah mish as thie m’ayrey er n’yannoo peccah.

Isaiah 64:4

Son er-dyn toshiaght y theihll cha vel deiney er chlashtyn, ny er hoiggal liorish y chleaysh, chamoo ta sooill er vakin, er-lhimmey jeed’s, O Yee, cre t’eh er chiarail ny chour-syn ta farkiaght er.

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Jeremiah 32:32

Kyndagh rish ooilley yn drogh-yannoo ta cloan Israel as cloan Yudah er chur-rish dy my vrasnaghey gys corree, ad-hene, nyn reeaghyn, nyn brinceyn, nyn saggyrtyn, as ny phadeyryn oc, marish deiney Yudah, as fir-vaghee Yerusalem.

Jeremiah 7:19

Vel ad brasnaghey mish gys corree? ta’n Chiarn dy ghra: nagh nee ad-hene t’ad dy vrasnaghey, gys nearey nyn eddin hene?

Dobberan 1:18

Ta’n Chiarn ynrick, son ta mee er n’irree-magh noi e annaghyn: clasht-jee, ta mee guee erriu, ooilley shiuish phobble, as cur-jee my-ner my hrimshey: ta my voidynyn as my gheiney aegey er n’gholl ayns cappeeys.

Dobberan 3:42

Ta shin er ve foiljagh as er n’irree-magh, cha vel uss er phardooney.

Dobberan 5:16

Ta’n attey er duittym veih nyn gione: smerg dooin dy vel shin er n’yannoo peccah!

Ezekiel 16:63

Dy vod oo cooinaghtyn as ve dty host, as gyn dy bragh dty veeal y osley arragh er coontey dty nearey, tra ta mee coardit rhyt, son ooilley ny t’ou er n’yannoo, ta’n Chiarn Jee dy ghra.

Ezekiel 5:6

As t’eeish er chaghlaa my vriwnyssyn gys mee-chraueeaght, ny smoo na ny ashoonyn, as my lattyssyn, ny smoo na ny cheeraghyn ta mygeayrt-y-mooee: son t’ad er n’obbal my vriwnyssyn, as my lattyssyn, cha vel ad er n’immeeaght ayndoo.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï: