Daniel 9:6 - Yn Vible Casherick 1775 1819

⁶ Chamoo ta shin er n’eaishtagh rish dty harvaantyn ny phadeyryn, ren loayrt ayns dty ennym rish nyn reeaghyn, nyn brinceyn, as nyn ayraghyn, as rish ooilley pobble y cheer.

Daniel 9:6 ပူးပေါင်းရင်းမြစ်များ

2 Reeaghyn 18:12

Er-yn-oyr nagh dug ad biallys da coraa yn Chiarn y Jee oc, agh vrish ad e chonaant, as ooilley ny va Moses sharvaant y Chiarn er harey, cha n’eaishtagh ad roo, ny jannoo ad.

2 Recortyssyn 33:10

As loayr y Chiarn rish Manasseh, as rish e phobble: agh cha jinnagh ad geaishtagh.

Ezra 9:7

Er-dy laghyn nyn ayraghyn, ta shin er ve fo loght trome, gys y laa t’ayn jiu; as son y drogh-yannoo ain, ta shin hene, ny reeaghyn, as ny saggyrtyn ain er ve livreit gys laue reeaghyn ny ashoonyn, gys y chliwe, gys cappeeys, gys spooilley, gys nearey eddin, myr te yn laa jiu.

Nehemiah 9:30

Foast, dymmyrk oo lhieu ry bleeantyn foddey, gymmyrkey feanish nyn ’oï liorish dty spyrryd ayns dty adeyryn: ny-yeih, cha n’eaishtagh ad: er-yn-oyr shen livrey oo ad gys laue pobble ny cheeraghyn.

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Nehemiah 9:34

Chamoo ta ny reeaghyn, ny princeyn, ny saggyrtyn, ny nyn ayraghyn er vreayll dty leigh, ny er chur tastey da dty annaghyn, as dty recortyssyn, lhieu ren oo gymmyrkey feanish nyn ’oï.

Jeremiah 26:5

Dy eaishtagh rish goan my harvaantyn ny phadeyryn, ta mee er choyrt er chaghteraght hiu, girree dy moghey, as cur magh ad; (agh cha vel shiuish er n’eaishtagh;)

Jeremiah 29:19

Er-yn-oyr nagh vel ad er choyrt geill da my ghoan, ta’n Chiarn dy ghra, loayr mee roo liorish my hirveishee ny phadeyryn, girree dy moghey as dy choyrt ad magh; agh cha n’eaishtagh shiu, ta’n Chiarn dy ghra.

Jeremiah 44:16

Son ny goan t’ou er ghoaill ort dy loayrt rooin ayns ennym y Chiarn, cha n’eaisht mayd rhyt.

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.

Daniel 9:10

Chamoo ta shin er choyrt biallys da coraa yn Chiarn y Jee ain, dy immeeaght ayns e leighyn t’eh er hoiaghey roïn, liorish e harvaantyn ny phadeyryn.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Noo Mian 23:37

O Yerusalem, Yerusalem, uss ta cur dy baase ny phadeyryn, as claghey adsyn t’er nyn goyrt er chaghteraght hood, cre cha mennick as va mish aggindagh v’er haglym dty chloan cooidjagh, myr ta kiark goaill stiagh e heïn, fo my skianyn, as cha jinnagh shiu!

Jannoo 13:27

Son cummaltee Yerusalem, as ny fir-reill oc, son nagh dug ad tastey dasyn, ny foast da goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.