Daniel 9:25 - Yn Vible Casherick 1775 1819

²⁵ Gow tushtey er-y-fa shen, as jean toiggal; veih goll magh y sarey, dy yannoo ass-y-noa, as dy hroggal Jerusalem reesht, gys Messiah yn prince bee shiaght shiaghtinyn, as lurg three-feed shiaghtinyn as jees, bee’n straïd as y voalley er nyn droggal reesht, eer rish earishyn seaghnagh.

Daniel 9:25 ပူးပေါင်းရင်းမြစ်များ

2 Samuel 15:25

As dooyrt David rish Zadok, Cur lhiat back arg Yee stiagh ’syn ard-valley: my yioyms foayr ayns shilley’n Chiarn, ver eh lesh mee reesht, as jeeaghee eh dou chammah shen as e chabbane-agglish.

Ezra 4:24

Eisht scuirr ad veih obbyr thie Yee, t’ec Jerusalem. Myr shen ve er ny lhiettal derrey’n nah vleïn jeh reill Darius ree Phersia.

Ezra 7:1

Nish lurg ny reddyn shoh, ayns reill Artaxerxes ree Phersia, Ezra mac Seraiah, mac Azariah, mac Hilkiah,

Ezra 7:8

As haink eh gys Jerusalem ayns y wheiggoo vee, ’sy chiaghtoo vleïn jeh reill y ree.

Nehemiah 3:1

Eisht dirree Eliashib yn ard-saggyrt seose marish e vraaraghyn ny saggyrtyn, as hrog ad giat ny geyrragh, ren ad eh y chasherickey, as hoie ad seose ny dorryssyn echey; eer veih toor Veah ren ad eh y chasherickey, gys toor Hananeel.

Nehemiah 4:2

As loayr eh roish e vraaraghyn, as sheshaght-caggee Samaria, as dooyrt eh, Cre ta ny Hewnyn kercheenagh shoh kiarail dy yannoo? vel ad son fendeil ad-hene? jean ad ourallyn y hebbal? der ad kione er yn obbyr ayns laa? vel ad son doostey reesht ny claghyn ta losht, ass ny carnaneyn dy holtanyn losht?

Nehemiah 4:8

As hug ad ooilley nyn goyrle dy cheilley, dy chaggey noi Jerusalem, as dy lhiettal yn obbyr

Nehemiah 6:15

Myr shoh va’n voalley dy slane coamrit er y wheiggoo laa as feed jeh mee Elul, ayns daa laa jeig as da-eed.

Psalmyn 71:10

Ny gow foddey voym, O Yee: my Yee, jean siyr dy chooney lhiam.

Ecclesiastes 3:3

Traa dy varroo, as traa dy lheihys: traa dy vrishey sheese, as traa dy hroggal seose:

Isaiah 55:4

Cur-my-ner, ta mee er choyrt eh son feanish da’n pobble, ny reiltagh as fer-ynsee da’n pobble.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Daniel 8:11

Dy jarroo ren eh soiaghey seose eh-hene dy ve eer corrym rish prince y cheshaght-chaggee, as liorishyn va’n oural-laaoil er ny ghoaill ersooyl, as ynnyd e hiamble casherick er ny lhieggal.

Daniel 8:25

As trooid e chialgeyrys, ver eh er croutyn bishaghey ny laue: as nee eh lane y hoiaghey jeh hene ayns [mooaralys] e chree, as ec e chah nee eh ymmodee y stroie: nee eh shassoo seose myrgeddin noi yn prince dy phrinceyn, agh bee eh er ny vrishey fegooish laue.

Daniel 9:23

Ec toshiaght dty aghinyn haink y sarey magh, as ta mish er jeet dy hoilshaghey dhyt, son t’ou ayns ard foayr: shen-y-fa toig yn chooish, as smooinee er yn ashlish.

Micah 5:1

Nish chaggle oo hene ayns troopyn, O inneen roosteyragh: t’eh er chruinnaghey shin stiagh lesh caggey: nee ad briw Israel y woalley lesh slatt er y lieckan.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Noo Mian 13:23

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead-filley, paart three-feed, as paart jeih fillaghyn as feed.

Noo Mian 24:15

Tra hee shiu er-y-fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Noo Mark 13:14

Agh tra hee shiu eajeeid y traartys, ta loayrit jeh liorish Daniel y phadeyr, ny hassoo raad nagh lhisagh eh, (eshyn ta lhaih, lhig da tastey ghoaill) eisht lhig dauesyn t’ayns Judea chea gys ny sleityn.

Noo Ean 1:41

Hooar eshyn hoshiaght e vraar hene Simon, as dooyrt eh rish, Ta shin er gheddyn yn Messias, ta shen dy ghra, Yn Creest.

Noo Ean 4:25

Dooyrt y ven rish, Ta fys aym dy vel Messias cheet ta enmyssit Creest: tra hig eshyn, inshee eh dooin dy chooilley nhee.

Jannoo 3:15

As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Jannoo 8:30

As roie Philip huggey, as cheayll eh eh lhaih yn phadeyr Esaias, as dooyrt eh, Vel oo toiggal cre t’ou dy lhaih?

Ephesianee 5:16

Jannoo ymmyd mie jeh’n traa, er-yn-oyr dy vel laghyn seaghnagh ayn.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.