Daniel 9:23 - Yn Vible Casherick 1775 1819

²³ Ec toshiaght dty aghinyn haink y sarey magh, as ta mish er jeet dy hoilshaghey dhyt, son t’ou ayns ard foayr: shen-y-fa toig yn chooish, as smooinee er yn ashlish.

Daniel 9:23 ပူးပေါင်းရင်းမြစ်များ

2 Reeaghyn 19:20

Eisht hug Isaiah mac Amos fys gys Hezekiah, gra, Shoh myr ta’n Chiarn Jee Israel dy ghra, Yn phadjer shen t’ou er n’yannoo hym’s noi Sennacherib ree Assyria ta mee er chlashtyn.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Arrane Solomon 7:10

Ta mish lesh my ghraih, as orrym’s ta e chree’s soit.

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Ezekiel 24:16

Vac y dooinney, cur-my-ner, ta mee goaill ersooyl voïd yeearree dty hooillyn ec builley: ny-yeih cha jean oo dobberan, ny keayney, chamoo nee dty yheïr roie sheese.

Ezekiel 26:12

As bee dty verchys oc son spooilley, as dty varchantys son cragh; as brishee ad sheese dty voallaghyn, as dty hieyn aalin ver ad mow, as tilgee ad dty chlaghyn, as dty fuygh, as dty yoan, ayns mean yn ushtey.

Daniel 10:1

Ayns y trass vleïn jeh Cyrus ree Phersia, va folliaght er ny hoilshaghey da Daniel (va’n ennym echey Belteshazzar) as va’n chooish firrinagh, agh va’n traa er y hon foddey ry-heet, as hoig eh yn chooish, as va tushtey echey jeh’n ashlish.

Daniel 10:19

As dooyrt eh, O ghooinney ard-ennoil, ny bee aggle ort, shee dy row hood, bee er dty gherjaghey, as bee eer er dty niartaghey. As tra v’eh er loayrt rhym, va mee er my niartaghey, as dooyrt mee, Lhig da my hiarn loayrt; son t’ou er my niartaghey.

Daniel 6:3

Eisht va’n Daniel shoh soit erskyn ny ard-reiltee as ny princeyn, er-yn-oyr dy row spyrryd erskyn-towse toiggalagh aynsyn; as chiare y ree dy hoiaghey eh harrish y slane rheam.

Noo Mian 24:15

Tra hee shiu er-y-fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Noo Luke 1:28

As haink yn ainle stiagh as dooyrt eh r’ee, Dy vannee dhyt’s ta ayns ard-foayr, ta’n Chiarn mayrt; bannit t’ou uss mastey mraane.