Daniel 9:22 - Yn Vible Casherick 1775 1819

²² As dinsh eh dou, as loayr eh rhym, as dooyrt eh, O Ghaniel, ta mee nish er jeet magh, dy choyrt dhyt toiggal as tushtey.

Daniel 9:22 ပူးပေါင်းရင်းမြစ်များ

Daniel 10:11

As dooyrt eh rhym, O Ghaniel, dooinney ennoil, toig uss ny goan ta mee dy loayrt rhyt, as shass er dty chassyn: son hood’s ta mee nish er my choyrt. As tra v’eh er ghra shoh rhym, hass mee er-creau.

Daniel 10:12

Eisht dooyrt eh rhym, Ny bee aggle ort, Ghaniel: son veih yn chied laa dy ren oo soiaghey dty chree dy hoiggal, as dy smaghtaghey oo hene kiongoyrt rish dty Yee, va dty ghoan er ny chlashtyn, as ta mish er jeet er bree dty ghoan.

Daniel 10:14

Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta’n ashlish cour ymmodee laghyn foast ry-heet.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Daniel 7:16

Haink mee er-gerrey gys fer jeusyn va ny hassoo liorym, as dênee mee jeh, mychione ynrickys ooilley shoh: eisht dinsh eh dou, as hoilshee eh dou bun ny cooishyn.

Daniel 8:16

As cheayll mee coraa dooinney eddyr brooinyn Ulai, gyllagh, as gra, Ghabriel, cur er y dooinney shoh dy hoiggal yn ashlish.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Zechariah 1:14

Myr shoh dooyrt yn ainle va taggloo rhym, Cur uss eam, gra, Myr shoh ta Chiarn ny flaunyssee dy ghra, Ta mish eadolagh son Jerusalem, as son Zion, lesh eadolys jeean.

Zechariah 1:9

Eisht dooyrt mee, O my Hiarn, cre t’ad shoh? As dooyrt yn ainle, va taggloo rhym, Soilshee-ym dhyt cre t’ad shoh.

Ashlish 4:1

Lurg shoh yeeagh mee, as cur-my-ner, va dorrys er ny osley ayns niau: as va’n chied choraa cheayll mee, myr dy beagh eh cayrn taggloo rhym; dooyrt rhym, Tar seose gys shoh, as jeeagh-ym dhyt reddyn shegin ve ny lurg shoh.