Daniel 9:21 - Yn Vible Casherick 1775 1819

²¹ Dy jarroo choud as va mee foast loayrt ayns padjer, haink eer yn dooinney Gabriel, honnick mee ayns y chied ashlish, getlagh dy bieau, as venn eh rhym mysh traa yn oural-fastyr.

Daniel 9:21 ပူးပေါင်းရင်းမြစ်များ

1 Reeaghyn 18:29

As haink eh gy-kione lurg y vun-laa, dy jagh ad er myr ayns aght phadeyrys, derrey traa chebbal yn oural-fastyr: agh cha row edyr coraa, ny fer erbee dy ansoor, ny fer erbee dy choyrt geill daue.

1 Reeaghyn 18:36

As haink eh gy-kione, ec traa chebbal yn oural-fastyr, dy daink Elijah yn phadeyr er-gerrey, as dooyrt eh, Hiarn Yee Abraham, Isaac, as Israel, lhig da ve er ny hoilshaghey er y laa jiu, dy vel uss y Jee ayns Israel, as dy nee mish dty harvaant, as dy vel mee er n’yannoo ooilley ny reddyn shoh ec dty ghoo.

Psalmyn 103:20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

Psalmyn 104:4

T’eh jannoo e ainleyn spyrrydyn: as e hirveishee lossey dy aile.

Psalmyn 141:2

Lhig da my phadjer v’er ny hebbal ayns dt’enish myr yn incense: as lhig da troggal seose my laueyn ’ve myr oural yn astyr.

Exodus 29:39

Yn derrey eayn nee oo chebbal ’sy voghrey, as yn eayn elley nee oo chebbal ’syn astyr:

Isaiah 6:2

Er-e-skyn hass ny seraphim: er dagh fer jeu va shey skianyn; lesh jees choodee eh e eddin, as lesh jees choodee eh e chassyn, as lesh jees ren eh getlagh.

Ezekiel 1:11

Myr shoh va nyn eddinyn: as va ny skianyn oc sheeynt seose, va daa skian dagh fer jeu bentyn ry-cheilley, as jees coodaghey nyn girp.

Ezekiel 1:14

As roie ny cretooryn bio, as hyndaa ad goll-rish chentyn-taarnee.

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Daniel 10:10

As cur-my-ner, venn laue rhym hrog mee er my ghlioonyn as er bassyn my laueyn.

Daniel 10:16

As cur-my-ner, venn fer goll-rish cloan gheiney rish my veillyn: eisht doshil mee my veeal, as loayr mee, as dooyrt mee rishyn va ny hassoo kiongoyrt rhym, O my hiarn, liorish yn ashlish ta my hrimshey er jyndaa orrym, as cha vel veg y niart faagit aynym.

Daniel 10:18

Eisht haink fer hym reesht ayns co-chaslys dooinney, as venn eh rhym, as niartee eh mee,

Daniel 8:16

As cheayll mee coraa dooinney eddyr brooinyn Ulai, gyllagh, as gra, Ghabriel, cur er y dooinney shoh dy hoiggal yn ashlish.

Daniel 8:18

Nish myr v’eh loayrt rhym, va mee ayns cadley trome, lesh my eddin gys y thalloo: agh venn eh rhym, as hrog eh mee er my chassyn.

Noo Mian 27:46

As mygeayrt yn nuyoo oor, deïe Yeesey lesh ard-choraa, gra, eli, eli, lama sabacthani? ta shen dy ghra, My Yee, My Yee, cre’n-fa t’ou er my hreigeil?

Noo Luke 1:19

As dreggyr yn ainle as dooyrt eh rish, Mish Gabriel ta shirveish fenish Yee: as ta mee er my choyrt dy loayrt rhyt, as dy hoilshaghey dhyt ny naightyn mie shoh.

Noo Luke 1:26

As ayns y cheyoo vee, va’n ainle Gabriel er ny choyrt veih Jee, gys ard-valley dy Ghalilee, va enmyssit Nazareth,

Jannoo 10:3

Honnick eh shoh ayns ashlish dy baghtal, mysh yn nuyoo oor jeh’n laa, ainle dy Yee cheet stiagh huggey, as gra rish, Cornelius.

Jannoo 10:9

Laa-ny-vairagh myr v’ad goll er nyn yurnah, as tayrn er-gerrey da’n ard-valley, hie Peddyr seose ’syn ard-shamyr gys padjer, mysh y cheyoo oor.

Jannoo 12:7

As cur-my-ner, haink ainle y Chiarn huggey, as ren soilshey soilshean ayns y phryssoon: as woaill eh Peddyr er y lhiattee, as ghooisht eh eh, gra, Irree seose dy tappee. As huitt ny geulaghyn jeh e laueyn.

Jannoo 3:1

Nish hie Peddyr as Ean seose cooidjagh gys y chiamble, ec oor y phadjer, ta shen, yn nuyoo oor.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Hebrewnee 1:7

As mychione ny ainleyn t’eh gra, T’eh jannoo e ainleyn spyrrydyn, as e hirveishee lossey dy aile.

Ashlish 9:17

As myr shoh honnick mee ny cabbil ayns yn ashlish, as adsyn v’er nyn mooin, va eilley-vroggil orroo myr aile, as myr hyacinth, as myr brimstone: as va king ny cabbil myr king lionyn; as ass nyn meeal haink aile, as jaagh, as brimstone.