Daniel 9:19 - Yn Vible Casherick 1775 1819

¹⁹ O Hiarn eaisht rooin, O Hiarn leih dooin, O Hiarn cur dooin clashtyn, as jean er nyn son, ny lhig shaghey, er dty ghraih hene, O my Yee: son ta dty ard-valley, as dty phobble goll fo dty ennym.

Daniel 9:19 ပူးပေါင်းရင်းမြစ်များ

2 Recortyssyn 6:21

Eaisht er-y-fa shen rish accanyn dty harvaant, as dty phobble Israel; nee ad y yannoo ’syn ynnyd shoh: cur clashtyn veih dty ynnyd-vaghee, eer veih niau; as tra t’ou clashtyn jean leih daue.

2 Recortyssyn 6:39

Eisht cur uss clashtyn veih ny niaughyn, eer veih dty ynnyd-vaghee, da nyn badjeryn as nyn accanyn, as gow yn chooish oc ayns laue, as leih da dty phobble t’er n’yannoo peccah dt’oï,

Isaiah 43:7

Eer dagh unnane ta enmyssit orrym’s: son ta mee er chroo eh son my ooashley, ta mee er chummey eh; dy jarroo, ta mee er chiaddey eh.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Jeremiah 14:9

Cre’n-fa veagh oo myr dooinney fo atchim, myr dooinney lajer t’er choayl e vree? foast t’ou uss, O Hiarn, ny mast’ ain, as ort’s ta shin enmyssit; ny treig shin.

Jeremiah 25:29

Son cur-my-ner, ta mee kiarail kerraghey son yn ard-valley ta enmyssit orrym’s, as jed shiuish gyn kerraghey erbee? Cha jed shiu gyn kerraghey; son ver-yms eam da’n chliwe dy gholl magh noi ooilley cummaltee yn ooir, ta Chiarn ny sheshaghtyn flaunyssagh dy ghra.

Ezekiel 20:14

Agh dobbree mee er graih my ennym hene, nagh beagh eh er ny oltooaney mastey ny ashoonee, ayns y chilley oc hug mee lhiam ad magh.

Ezekiel 20:22

Ny-yeih, dreill mee my laue voue, as dobbree mee er graih my ennym hene, nagh beagh eh er ny oltooaney ayns shilley ny ashoonee, ayns nyn venish hug mee lhiam ad magh.

Ezekiel 20:9

Agh dobbree mee er graih m’ennym hene, nagh beagh eh er ny oltooaney kiongoyrt rish ny ashoonee, nyn mastey v’ad, ayns y chilley oc ren mee mee-hene y hoilshaghey daue, ayns coyrt lhiam ad magh ass cheer Egypt.

Ezekiel 36:22

Shen-y-fa abbyr rish thie Israel, Myr shoh ta’n Chiarn Jee dy ghra, Cha vel mee jannoo shoh er y ghraih euish, O hie Israel, agh er graih my ennym’s casherick hene, t’er ny oltooan by-chyndagh riuish, mastey ny ashoonee, raad jimmee shiu.

Ezekiel 39:25

Shen-y-fa, shoh myr ta’n Chiarn Jee dy ghra, Nish ver-ym chyndaa da cappeeys Yacob, as bee myghin aym er slane lught-thie Israel, as bee’m eadolagh son my ennym’s casherick.

Daniel 9:18

O my Yee, croym dty chleaysh, as eaisht, foshil dty hooillyn, as cur-my-ner y traartys ain, as yn ard-valley ta enmyssit ort’s: son cha vel shin chebbal nyn aghinyn kiongoyrt rhyt er coontey’n ynrickys ain hene, agh er graih, dty vyghinyn mooarey.

Amos 7:2

As haink eh gy-kione, erreish daue v’er stroie faiyr y thallooin, eisht dooyrt mee, O Hiarn Yee, leih dooin, ta mee guee ort; quoi nee Jacob y niartaghey? son t’eh faase.

Earrooyn 14:19

Jean pardooney, ta mee geearree ort, mee-chairys yn pobble shoh, cordail rish mooads dty vyghin, as myr t’ou er n’ymmyrkey lesh y pobble shoh, veih Egypt, eer derrey nish.

Earrooyn 6:27

As ver ad m’ennym’s er cloan Israel, as neem’s ad y vannaghey.

Noo Luke 11:8

Ta mee gra riu, Ga nagh n’irree eh dy chur da, er coontey dy nee e charrey eh: ny-yeih kyndagh rish yn jeeanid echey, irree eh, as ver eh da whilleen as vees eh ny eme.

Jannoo 15:17

Dy vod y Chiarn v’er ny hirrey magh liorish y chooid elley jeh deiney [Israel] as liorish ooilley ny Ashoonee, ta enmyssit orrym, ta’n Chiarn gra, ta jannoo dy chooilley nhee jeu shoh.

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er-graihagh:

Ephesianee 3:10

Dy voddagh nish v’er ny hoilshaghey da ny ard-reillyn as pooaraghyn ayns ynnydyn flaunyssagh liorish yn agglish ymmodee-filley creenaght Yee,