Daniel 9:17 - Yn Vible Casherick 1775 1819

¹⁷ Nish er-y-fa shen, O uss yn Jee ain, eaisht rish padjer dty harvaant, as e aghinyn, as er dty ghraih’s, O Hiarn, lhig da dty eddin soilshean er dty hiamble casherick, ta lhie ny hraartys.

Daniel 9:17 ပူးပေါင်းရင်းမြစ်များ

1 Reeaghyn 8:28

Ny-yeih jean uss soiaghey jeh padjer dty harvaant, as e accan, O Hiarn my Yee, dy eaishtagh rish yn aghin as y phadjer ta dty harvaant guee kiongoyrt rhyt jiu:

Nehemiah 1:6

Lhig da dty chleaysh nish geaishtagh, as dty hooillyn ’ve foshlit, dy vod oo clashtyn padjer dty harvaant, ta mee goaill kiongoyrt rhyt nish, laa as oie, ayns lieh cloan Israel dty harvaantyn, goaill-rish peccaghyn cloan Israel, ta shin er n’yannoo dt’oï: ta chammah mish as thie m’ayrey er n’yannoo peccah.

Psalmyn 119:135

Lhig da dt’eddin soilshean er dty harvaant: as ynsee dou dty lattyssyn.

Psalmyn 4:6

Shimmey t’ayn ta gra: Quoi yeeaghys dooin veg y vie?

Psalmyn 67:1

Dy row Jee myghinagh dooin, as dy bannee eh shin: as soilshey e eddin y yeeaghyn dooin, as dy row eh myghinagh dooin.

Psalmyn 67:2

Dy vod enney v’er ny choyrt er dty raad er y thalloo: dty haualtys anmey mastey dy chooilley ashoon.

Psalmyn 74:3

Smooinee er sheeloghe dty eiraght: as er cronk Sion, ayn t’ou er chummal.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Psalmyn 80:19

Chyndaa shin reesht, O Hiarn Yee jeh’n cheshaght-chaggee flaunyssagh: jeeagh soilshey dt’eddin, as bee mayd er nyn sauail.

Psalmyn 80:3

Chyndaa shinyn reesht, O Yee: jeeagh soilshey dt’eddin, as bee mayd slane.

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Psalmyn 80:7

Chyndaa shinyn reesht, uss Yee dy heshaght-chaggee flaunys: jeeagh soilshey dt’eddin, as bee mayd slane.

Isaiah 48:11

Er my ghraih hene, eer er my ghraih hene, nee’m y yannoo eh: son cre’n-fa veagh my ennym er ny oltooaney? as cha der-yms my ghloyr hene da fer elley.

Dobberan 3:56

T’ou er chlashtyn my choraa, ny dooin dty chleaysh noi my osnaghyn, ny my accan.

Dobberan 5:18

Eer son slieau Zion, ta ny hraartys, te ec ny shynnee dy hooyl ayn.

Daniel 9:19

O Hiarn eaisht rooin, O Hiarn leih dooin, O Hiarn cur dooin clashtyn, as jean er nyn son, ny lhig shaghey, er dty ghraih hene, O my Yee: son ta dty ard-valley, as dty phobble goll fo dty ennym.

Noo Ean 16:24

Cha vel shiu foast er hirrey nhee erbee ayns yn ennym aym’s: shir-jee, as yiow shiu, dy vod y boggey eu v’er ny yannoo magh.

2 Corinthianee 1:20

Son ta ooilley gialdynyn Yee aynsyn she, as aynsyn Amen, gys gloyr Yee liorinyn.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.