Daniel 9:16 - Yn Vible Casherick 1775 1819

¹⁶ O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Daniel 9:16 ပူးပေါင်းရင်းမြစ်များ

Nehemiah 9:8

As hooar oo e chree ynrick kiongoyrt rhyt, as ren oo conaant rish, dy choyrt da e luight cheer ny Canaaniteyn, ny Hittiteyn, ny Amoriteyn, as ny Perizziteyn, as ny Jebusiteyn, as ny Girgashiteyn, as t’ou er chooilleeney dty ghoan, son t’ou ynrick:

Psalmyn 143:1

Eaisht rish my phadjer, O Hiarn, as cur geill da my yeearree: cur clashtyn dou er graih dty ynrickys as dty chairys;

Psalmyn 31:1

Aynyd’s, O Hiarn, ta mee er choyrt my hreishteil: ny lhig dou dy bragh v’er my choyrt gys nearey; livrey mee ayns dty chairys.

Psalmyn 41:13

Bannit dy row yn Chiarn Jee dy Israel: seihll gyn jerrey. Amen.

Psalmyn 71:2

Bee oo my chummal lajer, huggey oddym’s kinjagh goll son sauchys: t’ou er yialdyn dy chooney lhiam; son oo thie m’endeilys as my chashtal.

Psalmyn 79:4

Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Psalmyn 85:4

Chyndaa shin reesht, O Yee nyn Saualtagh: as lhig da dty chorree scuirr voïn.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Isaiah 5:25

Shen-y-fa ta corree yn Chiarn er ny oaddey noi e phobble, as t’eh er heeyney magh e laue nyn ’oï, as er woalley ad: myr shen dy row ny croink er-creau, as va ny kirp marroo oc er ny raipey ayns mean ny straïdyn. Son ooilley shoh cha vel e chorree er ny hyndaa ersooyl, agh ta e laue foast er ny heeyney magh.

Jeremiah 24:9

As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 29:18

As ver-ym eiyrtys orroo lesh y chliwe, yn ghortey, as y chramp, as nee’m ad y livrey dy ve scughit gys dy chooilley reeriaght ’sy theihll, dy ve son mollaght, as atchim, as faghid, as an-ghoo, mastey dy chooilley ashoon raad ta mee er n’eiyrt ad:

Jeremiah 32:31

Son ta’n ard-valley shoh er ve dooys oyr corree as eulys, veih’n laa hrog ad eh, eer gys y laa t’ayn jiu, as derrey hed eh er scughey ass my hilley;

Jeremiah 32:32

Kyndagh rish ooilley yn drogh-yannoo ta cloan Israel as cloan Yudah er chur-rish dy my vrasnaghey gys corree, ad-hene, nyn reeaghyn, nyn brinceyn, nyn saggyrtyn, as ny phadeyryn oc, marish deiney Yudah, as fir-vaghee Yerusalem.

Ezekiel 22:4

T’ou foiljagh ’syn uill t’ou er gheayrtey, as t’ou er dayrn loght ort hene, liorish dty yallooyn t’ou er n’yannoo: t’ou er chur dty laghyn er nyn doshiaght, as er jeet gys slane earroo dty vleeantyn; shen-y-fa ta mee er dty yannoo son oltooan da ny ashoonee, as son faghid da ooilley ny cheeraghyn.

Ezekiel 5:14

Ny-sodjey ver-ym naardey oo, as bee oo son oltooan mastey ny ashoonyn ta mygeayrt-y-mood, ayns y chilley ocsyn ooilley ta goll shaghey.

Daniel 11:45

As troggee eh cabbaneyn e champ eddyr ny faarkaghyn, er y clieau gloyroil casherick; ny-yeih hig jerrey er, as cha jean fer erbee cooney lesh.

Daniel 9:20

As nish choud as va mee loayrt, as goaill padjer, as goaill-rish my pheccah, as peccah my phobble Israel, as chebbal my aghin kiongoyrt rish y Chiarn my Yee, son slieau casherick my Yee:

Joel 3:17

Myr shen bee fys eu, dy nee mish y Chiarn yn Jee eu, ta cummal ayns Zion, my lieau’s casherick: eisht bee Jerusalem casherick, as cha jed joarreeyn arragh ny hrooid.

Zechariah 8:3

Myr shoh ta’n Chiarn dy ghra, Ta mee er hyndaa gys Zion, as nee’m cummal ayns mean Yerusalem, as bee Jerusalem enmyssit, Ard-valley yn ynrickys, as slieau Chiarn ny flaunyssee, Yn slieau casherick.

2 Thessalonianee 1:6

Fakin dy vel eh red cairagh marish Jee dy chooilleeney seaghyn orroosyn ta jannoo tranlaase erriu;

1 Ean 1:9

My ta shin goaill-rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu-ynrickys.

1 Samuel 2:7

Ta’n Chiarn jannoo boght, as jannoo berchagh: t’eh cur fer sheese, as soiaghey seose fer elley.