Daniel 9:15 - Yn Vible Casherick 1775 1819

¹⁵ As nish, O Hiarn nyn Yee, hug lhiat magh dty phobble veih cheer Egypt, lesh laue niartal, as t’er chosney dhyt hene ennym ooasle, myr er y laa t’ayn jiu: ta shin kyndagh, ta shin er n’yannoo dy peccoil.

Daniel 9:15 ပူးပေါင်းရင်းမြစ်များ

1 Reeaghyn 8:51

Son ad dty phobble as dty eiraght, hug oo lhiat magh ass Egypt, veih mean yn choirrey dy yiarn:

2 Reeaghyn 21:15

Er-yn-oyr da vel ad er n’yannoo shen ny va olk ayns my hilley, as er m’y vrasnaghey gys corree, er-dyn laa haink nyn ayraghyn magh ass Egypt, eer gys y laa t’ayn jiu.

2 Recortyssyn 6:37

Ny-yeih, my smooinys ad orroo hene ’sy cheer raad t’ad er nyn goyrt lhieu ayns bondiaght, as my hyndaa-ys ad, as padjer y yannoo hood’s ayns cheer nyn gappeeys, gra, Ta shin er n’yannoo peccah, ta shin er n’yannoo dy aggairagh, as er ghellal dy mee-chrauee;

Nehemiah 1:10

Nish ad shoh dty harvaantyn, as dty phobble, t’ou er livrey liorish dty phooar niartal, as lesh dty laue lajer.

Nehemiah 1:6

Lhig da dty chleaysh nish geaishtagh, as dty hooillyn ’ve foshlit, dy vod oo clashtyn padjer dty harvaant, ta mee goaill kiongoyrt rhyt nish, laa as oie, ayns lieh cloan Israel dty harvaantyn, goaill-rish peccaghyn cloan Israel, ta shin er n’yannoo dt’oï: ta chammah mish as thie m’ayrey er n’yannoo peccah.

Nehemiah 9:10

As hoilshee oo cowraghyn as yindyssyn er Pharaoh, as er ooilley e gheiney-caggee, as er ooilley pobble e heer: son honnick oo mooaralys nyn dranlaasee: shoh myr ren oo cosney dhyt hene ennym, myr te ec y laa jiu.

Psalmyn 106:8

Ny-yeih chooin eh lhieu er graih e ennym: dy voddagh eh yn phooar echey y hoilshaghey.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Exodus 13:16

As bee shoh son cowrey er dty laue, as son cooinaghtyn roish dty hooillyn: son lesh laue lajer hug y Chiarn lesh shin magh ass Egypt.

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 13:9

As bee eh son cowrey dhyt er dty laue, as son cooinaghtyn roish dty hooillyn; dy vod leigh’n Chiarn ve ayns dty veeal: son lesh laue lajer ta’n Chiarn er chur lesh oo magh veih Egypt.

Exodus 14:18

As bee fys ec ny Egyptianee dy nee mish y Chiarn, tra ta mee er gheddyn dou hene ooashley er Pharaoh, er ny fainee echey, as er e varkee.

Exodus 32:11

As ghow Moses padjer jeean gys y Chiarn e Yee, as dooyrt eh, Hiarn, cre’n-fa ta dty yymmoose brishey magh cha trome noi dty phobble, hug oo lhiat magh ass cheer Egypt, lesh ard phooar, as lesh laue niartal?

Exodus 6:1

Eisht dooyrt y Chiarn rish Moses, Nish nee oo fakin, cre nee’m y yannoo rish Pharaoh: son lesh laue lajer lhiggee eh yn raad daue, as lesh laue niartal eh hene nee geiyrt ad magh ass e heer.

Exodus 6:6

Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Isaiah 55:13

Ayns ynnyd y drine nee gaase seose yn billey-juys, as ayns ynnyd y dress hig seose yn billey-myrtle: as bee eh da’n Chiarn son ennym, son cowrey dy bragh farraghtyn, nagh bee er ny yiarey jeh.

Isaiah 64:4

Son er-dyn toshiaght y theihll cha vel deiney er chlashtyn, ny er hoiggal liorish y chleaysh, chamoo ta sooill er vakin, er-lhimmey jeed’s, O Yee, cre t’eh er chiarail ny chour-syn ta farkiaght er.

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Jeremiah 32:10

As hug mee my laue as seal gys y vargane, as ghow mee feanishyn, as howse mee yn argid da ayns ny meihaghyn.

Dobberan 3:42

Ta shin er ve foiljagh as er n’irree-magh, cha vel uss er phardooney.

Ezekiel 5:6

As t’eeish er chaghlaa my vriwnyssyn gys mee-chraueeaght, ny smoo na ny ashoonyn, as my lattyssyn, ny smoo na ny cheeraghyn ta mygeayrt-y-mooee: son t’ad er n’obbal my vriwnyssyn, as my lattyssyn, cha vel ad er n’immeeaght ayndoo.

Daniel 9:5

Ta shin er n’yannoo peccah, as er chur-rish drogh-yannoo, as er n’yannoo dy peccoil, as er n’irree-magh, eer liorish treigeil dty annaghyn, as dty vriwnyssyn.

Noo Luke 15:21

As dooyrt y mac rish, Ayr, ta mee er n’yannoo peccah noi niau, as ayns dty hilley’s, as cha vel mee ny-sodjey feeu dy ve enmyssit dty vac.

Noo Luke 18:13

As hass y publican foddey veih, as cha by-lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

2 Corinthianee 1:10

Eh ren livrey shin veih baase cha dewil, as ta livrey shin: aynsyn ta shin treishteil dy jean eh foast livrey shin:

Deuteronomy 5:15

As cooinee, dy row hene dty harvaant ayns cheer Egypt, as dy dug y Chiarn dty Yee lesh oo magh veih shen, lesh laue niartal, as lesh roih sheeynt magh: shen-y-fa hug y Chiarn dty Yee sarey dhyt dy reayll y doonaght.