Daniel 9:14 - Yn Vible Casherick 1775 1819

¹⁴ Shen-y-fa va sooill ec y Chiarn gys yn olk, as t’eh er choyrt lesh orrin eh: son ta’n Chiarn y Jee ain cairal ayns ooilley e obbraghyn t’eh dy yannoo: son cha dug shin biallys da e choraa.

Daniel 9:14 ပူးပေါင်းရင်းမြစ်များ

2 Recortyssyn 12:6

Er shoh, ren princeyn Israel, as y ree ad-hene y injillaghey, as dooyrt ad, Ta’n Chiarn cairagh.

Ezra 9:15

O Hiarn Yee Israel, t’ou uss cairagh, agh ta shinyn foast er scapail gyn kerraghey, myr te yn laa jiu: cur-my-ner ta shin kiongoyrt rhyt ayns nyn beccaghyn: son cha vod mayd shassoo kiongoyrt rhyt, kyndagh rish shoh.

Nehemiah 9:33

Agh, t’ou uss cairagh ayns ooilley ny t’er duittym orrin: t’ou uss er n’yannoo dy cairagh, agh shinyn dy neu-chairagh.

Psalmyn 111:7

Ta obbraghyn e laueyn ynrickys as briwnys: ta ooilley e annaghyn firrinagh.

Psalmyn 116:5

Ta’n Chiarn graysoil as cairal: dy jarroo, ta’n Jee ainyn myghinagh.

Psalmyn 119:137

T’ou uss cairagh, O Hiarn: as ynrick ta dty vriwnyssyn.

Psalmyn 51:14

Livrey mee veih loght-folley, O Yee, uss ta Jee my lhaynt: as nee my hengey arrane y ghoaill jeh dty chairys.

Exodus 9:27

As hug Pharaoh fys er Moses as Aaron, as dooyrt eh roo, Ta mee er n’yannoo peccah yn cheayrt shoh: ta’n Chiarn cairagh, agh ta mish as my phobble mee-chrauee.

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 31:28

As hig eh gy-kione, ’naght myr va sooill aym orroo, dy phluckey neose, as dy vrishey sheese, as dy lhieggal, as dy stroie, as dy heaghney; myr shen bee sooill aym orroo, dy hroggal, as dy hoiaghey ta’n Chiarn dy ghra.

Jeremiah 4:17

Myr arreyderyn magheragh, shen myr t’adsyn noi eck cruin mygeayrt; er-yn-oyr dy vel ee er ve mee-viallagh m’oï’s, ta’n Chiarn dy ghra.

Jeremiah 44:27

Cur-my-ner bee sooill aym’s orroo son olk, as cha nee son mie; as bee ooilley deiney Yudah ta ayns cheer Egypt er nyn stroie liorish y chliwe as liorish y chramp, derrey vees slane jerrey orroo.

Dobberan 1:5

Ta laue yn eaghtyr ec ny tranlaasee eck, ta e noidyn er ghoaill niart: son ta’n Chiarn er heaghney ee, son e ymmodee loghtyn; ta’n chloan eck er n’gholl ayns cappeeys roish y noid.

Ezekiel 16:43

Er-yn-oyr nagh vel oo er chooinaghtyn er laghyn dty aegid, agh er chur sneih er my aigney ayns ooilley ny reddyn shoh; cur-my-ner, er-y-fa shen, neem’s myrgeddin dty raad y chooilleeney er dty chione hene, ta’n Chiarn Jee dy ghra, as cha n’eiyr oo ny-sodjey er yn neu-heeltys shoh, marish ooilley dty aghtyn dwoaiagh.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.