Daniel 9:13 - Yn Vible Casherick 1775 1819

¹³ Myr te scruit ayns leigh Voses, ta ooilley yn olk shoh er jeet orrin: ny-yeih cha ghow shin nyn badjer gys y Chiarn y Jee ain, dy hyndaa veih nyn ghrogh-yannoo, as dy hoiggal dty ynrickys.

Daniel 9:13 ပူးပေါင်းရင်းမြစ်များ

2 Reeaghyn 22:16

Myr shoh ta’n Chiarn gra, Cur-my-ner, ver-yms lhiam olk er yn ynnyd shoh, as er e chummaltee, eer ooilley goan y lioar ta ree Yudah er lhaih:

Lioar Yob 36:13

Agh ta ny crauee-oalsey ayns cree cur seose jymmoose nyn gour hene; cha vel ad geamagh huggey tra t’eh cur seaghyn orroo:

Psalmyn 119:18

Foshil uss my hooillyn: dy voddym fakin reddyn yindyssagh dty leigh.

Psalmyn 119:27

Cur orrym toiggal raad dt’annaghyn: as myr shen nee’m taggloo jeh dt’obbraghyn yindyssagh.

Psalmyn 119:73

Ta dty laueyn er my chroo as er my chummey: O cur dou tushtey, dy voddym gynsaghey dt’annaghyn.

Psalmyn 85:4

Chyndaa shin reesht, O Yee nyn Saualtagh: as lhig da dty chorree scuirr voïn.

Isaiah 31:1

Smerg dauesyn ta goll sheese gys Egypt son cooney, as coyrt nyn marrant er cabbil, as treishteil ayns fainee, er-yn-oyr dy vel ad ymmodee; as ayns markee, son dy vel ad feer lajer! agh cha vel ad jeeaghyn gys Jee casherick Israel, chamoo t’ad shirrey yn Chiarn.

Isaiah 42:9

Cur-my-ner, ta shen dinsh mee ro-laue er jeet gy-kione, as nish ta mee soilshaghey reddyn noa: roish my jig ad er-ash ta mee fockley-magh ad.

Isaiah 43:22

Agh cha vel uss er n’eamagh orrym’s, O Yacob; as t’ou uss er ve skee jeem’s, O Israel.

Isaiah 64:6

Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta’n neu-chairys ain, myr y gheay, er heebey shin ersooyl.

Isaiah 64:7

As cha vel unnane ta geamagh er dty ennym, ta greinnaghey seose eh-hene dy ghoaill greme ort: son t’ou er n’ollaghey dty eddin voïn, as er choyrt naardey shin, kyndagh rish nyn mee-chairys.

Isaiah 9:13

Son cha vel y pobble chyndaa huggeysyn ta dy smaghtaghey ad, chamoo t’ad shirrey gys Chiarn ny flaunyssee.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 30:14

Ta ooilley dty ghraihderyn er dty yarrood; cha vel nyn aigney hood: son ta mee er dty lhottey lesh lhott noidey, lesh smaghtaghey fer dewil, son mooadys dty vee-chairys; son dy row dty pheccaghyn ymmodee.

Jeremiah 31:18

Ta mee dy mennick er chlashtyn Ephraim gaccan er yn aght shoh; T’ou er my cherraghey, as va mee smaghtit, myr dow neu-oayllagh er y whing: chyndaa uss mee, as bee’m er my hyndaa; son she uss y Chiarn my Yee.

Jeremiah 44:23

Er-yn-oyr dy vel shiu er lostey incense, as er n’yannoo peccah noi yn Chiarn, as nagh dug shiu biallys da coraa yn Chiarn, chamoo ta shiu er n’immeeaght ayns e leigh, ny ayns ny slattyssyn, ny ayns ny oardaghyn echeysyn; er-y-fa shen ta’n kerraghey shoh er duittym erriu, myr te ec y laa jiu.

Jeremiah 44:27

Cur-my-ner bee sooill aym’s orroo son olk, as cha nee son mie; as bee ooilley deiney Yudah ta ayns cheer Egypt er nyn stroie liorish y chliwe as liorish y chramp, derrey vees slane jerrey orroo.

Jeremiah 5:3

O Hiarn, nagh vel ny sooillyn ayd’s er yn ynrickys? t’ou uss er lhie dty laue orroo, agh cha vel ad er ghoaill shoh gys nyn gree; t’ou uss dy choyrt mow ad, agh t’ad er n’obbal dy ghoaill kerraghey: t’ad er n’yannoo nyn eddin ny s’creoi na’n chreg; t’ad er n’obbal dy hyndaa.

Dobberan 5:21

Chyndaa uss shin hood, O Hiarn, as bee mayd er nyn jyndaa: jean ass-y-noa nyn laghyn, myr jeh’n chenn earish.

Ezekiel 16:43

Er-yn-oyr nagh vel oo er chooinaghtyn er laghyn dty aegid, agh er chur sneih er my aigney ayns ooilley ny reddyn shoh; cur-my-ner, er-y-fa shen, neem’s myrgeddin dty raad y chooilleeney er dty chione hene, ta’n Chiarn Jee dy ghra, as cha n’eiyr oo ny-sodjey er yn neu-heeltys shoh, marish ooilley dty aghtyn dwoaiagh.

Daniel 9:11

Dy jarroo, ta ooilley Israel er vrishey dty leigh, eer liorish goll er-shaghryn, nagh dug ad biallys da dty choraa, shen-y-fa, ta’n mollaght er ny gheayrtey orrin, as y breearrey ta scruit ayns leigh Voses shirveishagh Yee, er-yn-oyr dy vel shin er n’yannoo peccah n’oï.

Hosea 7:10

As ta moyrn Israel gymmyrkey feanish gys e eddin, ny-yeih cha vel ad chyndaa gys y Chiarn nyn Yee, ny shirrey huggey son ooilley shoh.

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Hosea 7:7

T’ad ooilley cheh myr yn oghe, as t’ad er stroie nyn mriwnyn; ta ooilley nyn reeaghyn er duittym, cha vel veg ny-vud oc ta geamagh orrym’s.

Noo Luke 24:45

Eisht doshil eh yn tushtey oc, dy voddagh ad ny scriptyryn, y hoiggal,

Noo Ean 10:35

My t’eh genmys adsyn Jeeghyn, dauesyn va goo Yee er ny choyrt, as nagh vod y scriptyr v’er ny rassey:

Noo Ean 6:45

Te scruit ayns ny phadeyryn, As bee ad ooilley ynsit liorish Jee. Dy chooilley ghooinney er-y-fa shen t’er chlashtyn, as er n’ynsaghey veih yn Ayr, t’eh cheet hym’s.

Noo Ean 8:32

As bee toiggal eu jeh’n irriney, as nee yn irriney shiu y heyrey.

Ephesianee 4:21

My she shen dy vel shiu er chlashtyn eh, as er ve ynsit liorishyn, myr ta’n irriney ayns Yeesey:

Deuteronomy 29:4

Ny-yeih, cha vel y Chiarn er choyrt diu cree dy hoiggal, ny sooillyn dy akin, ny cleayshyn dy chlashtyn, gys y laa jiu.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.