Daniel 9:10 - Yn Vible Casherick 1775 1819

¹⁰ Chamoo ta shin er choyrt biallys da coraa yn Chiarn y Jee ain, dy immeeaght ayns e leighyn t’eh er hoiaghey roïn, liorish e harvaantyn ny phadeyryn.

Daniel 9:10 ပူးပေါင်းရင်းမြစ်များ

2 Reeaghyn 18:12

Er-yn-oyr nagh dug ad biallys da coraa yn Chiarn y Jee oc, agh vrish ad e chonaant, as ooilley ny va Moses sharvaant y Chiarn er harey, cha n’eaishtagh ad roo, ny jannoo ad.

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Daniel 9:6

Chamoo ta shin er n’eaishtagh rish dty harvaantyn ny phadeyryn, ren loayrt ayns dty ennym rish nyn reeaghyn, nyn brinceyn, as nyn ayraghyn, as rish ooilley pobble y cheer.

Hebrewnee 1:1

Jee, ren ec ymmodee earishyn, as ayns caghlaaghyn dy aghtyn, loayrt ayns y traa t’er n’gholl shaghey rish ny ayraghyn liorish ny phadeyryn,