Daniel 8:9 - Yn Vible Casherick 1775 1819

⁹ As magh ass unnane jeu, haink eairk veg, daase feer vooar, lesh y jiass, as lesh y shiar, as lesh y cheer eunyssagh.

Daniel 8:9 ပူးပေါင်းရင်းမြစ်များ

Psalmyn 105:24

As vishee eh yn pobble echey dy yindyssagh: as ren eh ad ny s’troshey na nyn noidyn;

Psalmyn 48:2

Ta cronk Sion ynnyd aalin, as boggey yn seihll ooilley: er y cheu twoaie ta ard-valley yn ree mooar; te ry-akin dy vel Jee ayns ny plaaseyn eck myr kemmyrk shickyr.

Jeremiah 3:19

Agh dooyrt mee, Kys nee’m uss y ghoaill mastey’n chloan, as cheer aalin y choyrt dhyt, eiraght ooasle ayns ymmodee ashoonyn? As dooyrt mee, Nee oo mish y enmys, My ayr! as cha jean oo chyndaa ersooyl voym.

Ezekiel 20:15

Ny-yeih hrog mee seose my laue myrgeddin huc ayns yn aasagh, nagh jinnin ad y chur lhiam gys y cheer shen, chiare mee daue, va taal bainney as mill, ta gloyr dy chooilley heer.

Ezekiel 20:6

Er y laa cheddin, er hrog mee seose my laue huc, dy chur lhiam ad magh veih cheer Egypt, gys cheer va mee er chronnaghey er nyn son, taal lesh mill as bainney; ta gloyr dagh cheer:

Daniel 11:16

Agh nee eshyn hig n’oï jannoo lurg e aigney hene, as cha shassee fer kiongoyrt rish; as nee eh shassoo ayns y cheer aalin, vees er ny stroie liorish y laue echeysyn.

Daniel 11:21

As ny ynnyd echeysyn reesht nee girree seose moodjeen dy ghooinney, dasyn nagh der ad ooashley yn reeriaght; agh hig eh stiagh dy sheeoil, as cosnee eh yn reeriaght lesh brynneraght.

Daniel 7:8

Ghow mee tastey jeh ny eairkyn, as cur-my-ner, haink seose ny-vud oc eairk yiare elley, as roishyn va three jeh ny chied eairkyn er ny phluckey seose rish ny fraueyn: as cur-my-ner, ayns yn eairk shoh va sooillyn goll-rish sooillyn dooinney, as beeal boggyssagh reddyn mooarey.

Zechariah 7:14

As skeayl mee ad lesh geay-chassee, mastey ooilley ny ashoonee quaagh daue: myr shoh va’n cheer ny hraartys nyn yeï, nagh jagh dooinney erbee ny hrooid huggey ny veih: son ren ad yn cheer aalin ny hraartys.