Daniel 8:7 - Yn Vible Casherick 1775 1819

⁷ As honnick mee eh tayrn chion er y rea, as v’eh er ny vrasnaghey lesh sproght n’oï, as woaill eh yn rea, as vrish eh e ghaa eairk, as cha row fort ayns y rea dy hassoo roish, agh lhieg eh er y thalloo eh, as stamp eh er, as cha row fer oddagh yn rea y livrey ass e laue.

Daniel 8:7 ပူးပေါင်းရင်းမြစ်များ

Daniel 11:11

As bee ree yn jiass er ny vrasnaghey lesh elgys, as hig eh magh, as caggey n’oï, dy jarroo noi ree yn twoaie; as ver eh magh earroo mooar, agh bee yn earroo er ny livrey gys y laue echey.

Daniel 7:12

Agh er son y chooid elley jeh ny beishtyn, va’n reiltys er ny ghoaill voue: ny-yeih va bea sodjey currit daue, son imbagh as son traa.

Daniel 7:7

Lurg shoh honnick mee ayns ashlishyn ny hoie, as cur-my-ner yn chiarroo veisht, agglagh as atchimagh, as erskyn-towse lajer: lesh feeacklyn mooar yiarn: stroie eh, as vrish eh ayns peeshyn, as stamp eh yn chooid elley lesh e chassyn, as cha row eh goll-rish veg jeh ny beishtyn va roish, as va jeih eairkyn er.

Daniel 8:10

As daase eh mooar, eer corrym rish sheshaght-caggee niau, as cheau eh sheese paart jeh’n cheshaght-chaggee, as jeh ny rollageyn gys y thalloo, as stamp eh orroo.

Daniel 8:6

As haink eh gys y rea lesh y daa eairk, honnick mee ny hassoo er broogh ny hawin, as roie eh er ayns eulys e phooar.

Daniel 8:8

Shen-y-fa haink y ghoayr-yrryn dy ve feer niartal, as tra v’eh lajer, va’n eairk vooar er ny vrishey, as ’syn ynnyd haink seose kiare eairkyn cronnal, lesh ny kiare geayghyn yn aer.

Leviticus 26:37

As nee ad tuittym harrish y cheilley myr roish y chliwe, tra nagh vel fer erbee er nyn eiyrt’s: as cha bee veg y vree ayndiu dy hassoo roish nyn noidyn.

Joshua 8:20

As tra yeeagh deiney Ai nyn yeï, honnick ad, as cur-my-ner, hie jaagh yn ard-valley seose ’syn aer, as hie nyn dappey voue dy chosney roue, yn derrey raad ny’n raad elley: as ren ny deiney va er roie myr-yien er-chea gys yn aasagh chyndaa back dy choyrt eddin da nyn eiyrtyssee.