Daniel 8:3 - Yn Vible Casherick 1775 1819

³ Eisht hrog mee seose my hooillyn as yeeagh mee, as cur-my-ner, va nyn shassoo liorish yn awin, rea as daa eairk er, as va’n daa eairk ard: agh va’n derrey yeh ny syrjey na’n jeh elley, as yn eairk b’yrjey s’jerree haink seose.

Daniel 8:3 ပူးပေါင်းရင်းမြစ်များ

1 Recortyssyn 21:16

As hrog David e hooillyn, as honnick eh ainle y Chiarn ny hassoo eddyr niau as y thalloo, lesh cliwe loamrit ny laue sheeynt magh harrish Jerusalem: eisht huitt David as shanstyr Israel, va coamrit ayns aanrit-sack, er nyn eddin.

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Ezra 4:5

As daill ad pleadeyryn nyn ’oï, dy lhiettal nyn obbyr, ooilley laghyn Cyrus ree Phersia, eer gys reill Darius ree Phersia.

Esther 1:3

Ayns y trass vleïn jeh e reill, ren eh cuirraghyn da ooilley e phrinceyn, as e harvaantyn; pooaraghyn Phersia as Media, ard-gheiney as princeyn ny rheamyn ec y traa cheddin kionfenish.

Isaiah 13:17

Cur-my-ner, greinnee-yms seose ny Medeyn nyn ’oï, nagh bee scansh oc jeh argid; as er son airh, cha vel ad goaill taitnys ayn.

Isaiah 21:2

Ta ashlish feiyjagh er ny hoilshaghey dou; Ta’n molteyr hene er ny volley, as ta’n spooilleyder er ny spooilley. Seose lhiat, O Elam: chion stiagh [Babylon], O Vedia: ooilley ny osnaghyn v’eck by-chyndagh roo ta mee er chur dy fea.

Isaiah 44:28

Ta gra mychione Cyrus, T’eshyn my vochilley, as cooilleenee eh ooilley my aigney; eer gra rish Jerusalem, Bee oo er dty hroggal; as rish y chiamble, Bee dty undin er ny layal.

Jeremiah 51:11

Shleeu-jee ny sideyn; lhieen-jee ny builg-side: ta’n Chiarn er ghoostey spyrryd reeaghyn ny Medeyn: son t’eh kiarit noi Babylon dy stroie eh, as dy nee shoh yn cooilleeney ta’n Chiarn dy ghoaill son e hiamble.

Daniel 10:5

Eisht hrog mee my hooillyn, as yeeagh mee, as cur-my-ner, dooinney dy row coamrit ayns aanrit, as mysh e veeghyn cryss jeh glen airh Uphaz:

Daniel 2:39

As dty lurg’s hroggys reeriaght elley ny s’faase na uss, as y trass reeriaght elley dy phrash, nee reill harrish ooilley yn seihll.

Daniel 5:31

As haink Darius yn Median gys yn reeriaght, tra v’eh three-feed bleïn as jees.

Daniel 6:28

Shoh myr haink y Daniel cheddin gys ard-ooashley ayns reill Darius, as ayns reill Cyrus yn Persian.

Daniel 7:5

As cur-my-ner beisht elley, yn nah er, goll-rish muc-awin, as hrog eh eh-hene seose er y derrey heu, lesh three asnaghyn ny veeal, eddyr e eeacklyn: as dooyrt ad myr shoh rish, Trog ort, ee dty haie feill.

Daniel 8:2

As honnick mee ayns ashlish (as haink eh gy-kione, myr honnick mee, dy row mee ec Shushan ayns y phlaase, ta ayns cheer Elam) as er-lhiam pene ’syn ashlish, dy row mee liorish awin Ulai.

Daniel 8:20

Yn rea, honnick oo lesh daa eairk, t’ad reeaghyn Vedia as Phersia.

Zechariah 1:18

Eisht hrog mee seose my hooillyn, as honnick mee, as cur-my-ner kiare eairkyn.

Zechariah 2:1

Hrog mee my hooillyn reesht, as yeeagh mee; as cur-my-ner, dooinney lesh line towshan ny laue.

Zechariah 5:1

Eisht hyndaa mee, as hrog mee seose my hooillyn, as yeeagh mee, as cur-my-ner lioar skianagh-etlagh.

Zechariah 5:5

Eisht hie yn ainle magh va taggloo rhym, as dooyrt eh rhym, Trog seose nish dty hooillyn, as cur-my-ner cre shoh ta goll magh.

Zechariah 5:9

Eisht hrog mee seose my hooillyn, as yeeagh mee, as cur-my-ner haink daa ven magh, as va’n gheay ayns ny skianyn oc (son va skianyn orroo myr skianyn stork) as hrog ad seose yn ephah eddyr niau as y thalloo.

Zechariah 6:1

As hyndaa mee, as hrog mee seose my hooillyn, as yeeagh mee, as cur-my-ner, haink kiare fainee magh eddyr daa slieau, as va ny sleityn sleityn prashey.

Earrooyn 24:2

As hrog Balaam seose e hooillyn, as honnick eh Israel tannaghtyn ayns e chabbaneyn, cordail rish ny tribeyn oc, as haink spyrryd Yee er.

Joshua 5:13

As haink eh gy-kione, tra va Joshua er-gerrey da Jericho, dy hrog eh seose e hooillyn as yeeagh eh, as cur-my-ner, va dooinney ny hassoo jeeragh roish, as cliwe rooisht ny laue: as hie Joshua huggey, as dooyrt eh rish, Vel uss er y cheu ainyn, ny son nyn noidyn?

Ashlish 13:11

As hug mee my-ner beisht elley troggal ass y thalloo, as va daa eairk echey goll-rish eayn, as loayr eh myr dragon.

Ashlish 5:6

As yeeagh mee, as cur-my-ner, kiongoyrt rish y stoyl-reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.