Daniel 8:2 - Yn Vible Casherick 1775 1819

² As honnick mee ayns ashlish (as haink eh gy-kione, myr honnick mee, dy row mee ec Shushan ayns y phlaase, ta ayns cheer Elam) as er-lhiam pene ’syn ashlish, dy row mee liorish awin Ulai.

Daniel 8:2 ပူးပေါင်းရင်းမြစ်များ

Genesis 10:22

Cloan Shem; Elam, as Ashur, as Arphaxad, as Lud, as Aram.

Genesis 14:1

As haink eh gy-kione, rish lhing Amraphel ree Shinar, Arioch ree Ellasar, Chedorlaomer ree Elam, as Tidal ree ashoonee.

Nehemiah 1:1

Goan Nehemiah mac Hachaliah. As haink eh gy-kione ayns mee Chisleu, ayns y feedoo vleïn, myr va mee ayns Shushan ’sy phlaase,

Esther 1:2

Ayns ny laghyn shen, tra va ree Ahasuerus ny hoie er stoyl-reeoil e reeriaght, va ayns Shushan yn phlaase reeoil,

Esther 2:8

Myr shen haink eh gy-kione, tra va sarey as oardagh y ree er ny chlashtyn, as tra va ymmodee moidynyn er nyn jaglym cooidjagh gys Shushan y phlaase fo currym Hegai, dy row Esther myrgeddin er ny choyrt lh’ee gys thie yn ree, fo kiarail Hegai, va currym ny mraane er.

Esther 3:15

Hie ny postyn magh ayns siyr, liorish sarey yn ree, as va’n oardagh jeant ayns Shushan y phlaase: as hoie yn ree as Haman sheese dy iu, agh va [ny Hewnyn ayns] ard-valley Shushan dy mooar seaghnit.

Esther 7:6

As dooyrt Esther, Yn noid, as y tranlaasagh, yn Haman custey shoh: eisht huitt aggle er Haman fenish y ree as y ven-reïn.

Esther 8:15

As hie Mordecai magh veih fenish y ree, ayns coamrey reeoil dy ghorrym, as bane, as lesh crown mooar dy airh, as lesh garmad sheeidey purple: as va ard-voggey as gennallys trooid ooilley ard-valley Shushan:

Esther 9:11

Er y laa shen, va’n earroo ocsyn va stroit ayns Shushan y phlaase, er ny choyrt stiagh gys y ree.

Esther 9:15

As haggil ny Hewnyn v’ayns Shushan ad-hene cooidjagh, er y chiarroo laa yeig myrgeddin jeh’n vee Adar, as varr ad three cheead dooinney ayns Shushan: agh er y spooilley cha dug ad laue.

Isaiah 11:11

As hig eh gy-kione ayns y laa shen, dy jean y Chiarn soiaghey e laue yn nah cheayrt dy chosney sluight e phobble vees faagit, veih Assyria, as veih Egypt, as veih Pathros, as veih Cush, as veih Elam, as veih Shinar, as veih Hamath, as veih ellanyn yn aarkey.

Isaiah 21:2

Ta ashlish feiyjagh er ny hoilshaghey dou; Ta’n molteyr hene er ny volley, as ta’n spooilleyder er ny spooilley. Seose lhiat, O Elam: chion stiagh [Babylon], O Vedia: ooilley ny osnaghyn v’eck by-chyndagh roo ta mee er chur dy fea.

Jeremiah 25:25

As ooilley reeaghyn Zimri, as ooilley reeaghyn Elam, as ooilley reeaghyn ny Medeyn,

Ezekiel 1:1

Nish haink eh gy-kione ayns y jeihoo vleïn as feed, ayns y chiarroo vee, er y wheiggoo laa jeh’n vee, (myr va mee mastey ny cappeeyn, liorish awin Chebar) dy row ny niaughyn foshlit, as honnick mee ashlishyn Yee.

Ezekiel 32:24

Shen y raad ta Elam, as ooilley yn ymmodee pobble ecksh, cruin mygeayrt yn oaie, ooilley stroit, er duittym liorish y chliwe, t’adsyn er n’gholl sheese nyn jymmyltee gys ny ardjyn dowin fo halloo, adsyn ren atchim y skeayley fud cheer ny bioee, foast t’ad er n’ghoaill nyn gronney dy naareydagh mâroosyn ta goll sheese gys yn oaie.

Daniel 10:4

As ayns y chiarroo laa as feed jeh’n chied vee, myr va mee rish oirr yn awin vooar, ta shen Hiddekel:

Daniel 7:15

Va mish Daniel seaghnit ayns my spyrryd, cheu-sthie jeh my chorp, as va ashlishyn my chione dy my voirey.

Daniel 7:2

Loayr Daniel as dooyrt eh, Honnick mee ayns m’ashlish ’syn oie, as cur-my-ner, va ny kiare geayghyn yn aer, as ad streeu er yn aarkey vooar.

Daniel 8:1

Ayns y trass vleïn jeh reill ree Belshazzar, haink ashlish orrym, eer orrym’s Daniel, lurg shen haink orrym ec y toshiaght.

Daniel 8:3

Eisht hrog mee seose my hooillyn as yeeagh mee, as cur-my-ner, va nyn shassoo liorish yn awin, rea as daa eairk er, as va’n daa eairk ard: agh va’n derrey yeh ny syrjey na’n jeh elley, as yn eairk b’yrjey s’jerree haink seose.

Earrooyn 12:6

As dooyrt eh, Eaisht-jee nish rish my ghoan; My ta phadeyr ny mast’ eu, Mish y Chiarn, nee soilshaghey mee hene da ayns ashlish, as loayr-ym rish aym’s dreamal.

Hebrewnee 1:1

Jee, ren ec ymmodee earishyn, as ayns caghlaaghyn dy aghtyn, loayrt ayns y traa t’er n’gholl shaghey rish ny ayraghyn liorish ny phadeyryn,

Ashlish 9:17

As myr shoh honnick mee ny cabbil ayns yn ashlish, as adsyn v’er nyn mooin, va eilley-vroggil orroo myr aile, as myr hyacinth, as myr brimstone: as va king ny cabbil myr king lionyn; as ass nyn meeal haink aile, as jaagh, as brimstone.