Daniel 8:17 - Yn Vible Casherick 1775 1819

¹⁷ Eisht haink eh er-gerrey da’n boayl raad va mee my hassoo: as tra haink eh, va mee fo atchim, as huitt mee er my eddin: agh dooyrt eh rhym, Gow toiggal, uss vac y dooinney: son ayns traa cooie bee jerrey er yn ashlish.

Daniel 8:17 ပူးပေါင်းရင်းမြစ်များ

Genesis 17:3

As huitt Abram er e eddin; as loayr Jee rish, gra,

Ezekiel 1:28

Myr co-chaslys y gholl-twoaie, t’ayns y vodjal er laa fliaghee, shen myr va co-chaslys yn sollyssid mygeayrt-y-mysh. Shoh myr v’er ny akin caslys gloyr y Chiarn. As tra honnick mee eh, huitt mee er my eddin, as cheayll mee yn coraa echeysyn va loayrt.

Ezekiel 2:1

As dooyrt eh rhym, Vac y dooinney, shass er dty chassyn, as loayr-yms rhyt.

Ezekiel 44:4

Eisht hug eh lesh mee raad y yiat-twoaie er eddin y thie; as yeeagh mee, as cur-my-ner, va gloyr y Chiarn lhieeney thie yn Chiarn; as huitt mish er my eddin.

Ezekiel 6:2

Vac y dooinney, soie dty eddin noi sleityn Israel, as jean phadeyrys nyn ’oï.

Daniel 10:11

As dooyrt eh rhym, O Ghaniel, dooinney ennoil, toig uss ny goan ta mee dy loayrt rhyt, as shass er dty chassyn: son hood’s ta mee nish er my choyrt. As tra v’eh er ghra shoh rhym, hass mee er-creau.

Daniel 10:16

As cur-my-ner, venn fer goll-rish cloan gheiney rish my veillyn: eisht doshil mee my veeal, as loayr mee, as dooyrt mee rishyn va ny hassoo kiongoyrt rhym, O my hiarn, liorish yn ashlish ta my hrimshey er jyndaa orrym, as cha vel veg y niart faagit aynym.

Daniel 11:27

As bee creeaghyn y daa ree shoh soit er olk, as loayree ad breagyn ry-cheilley ec yn un voayrd: agh cha jig eh lhieu: son foast bee jerrey er ec y traa cooie.

Daniel 11:40

As ec traa yn jerrey, nee ree yn jiass puttey n’oï, as hig ree yn twoaie n’oï myr geay-chassee, lesh fainee, as lesh markee, as lesh niart lhuingys, as hed eh stiagh ayns ny cheeraghyn, as nee eh lhieeney harrish, as goll ny hrooid.

Daniel 12:13

As immee uss royd, derrey vees y jerrey: son bee oo ec fea, as shassoo ayns dty chronney ec jerrey ny laghyn.

Daniel 12:4

Agh uss, O Ghaniel, jeigh seose ny goan, as seal y lioar, eer gys traa yn jerrey: nee ymmodee roie noon as noal, as bee tushtey er ny vishaghey.

Daniel 2:46

Er shoh huitt yn ree Nebuchadnezzar er e eddin, as hug eh ooashley da Daniel, as doardee eh dy beagh gioot costal, as leagh er ny hebbal da.

Daniel 7:16

Haink mee er-gerrey gys fer jeusyn va ny hassoo liorym, as dênee mee jeh, mychione ynrickys ooilley shoh: eisht dinsh eh dou, as hoilshee eh dou bun ny cooishyn.

Daniel 8:15

As haink eh gy-kione, tra va mish, eer mish Daniel er vakin yn ashlish, as er hirrey bun er, eisht cur-my-ner, hass kiongoyrt rhym myr co-chaslys dooinney.

Daniel 8:19

As dooyrt eh, Cur-my-ner, soilshee-ym dhyt, cre hig gy-kione ec jerrey yn jymmoose: son ec y traa pointit vees y jerrey er.

Daniel 8:27

As huitt mish Daniel my-neealloo, as va mee ching son earish: lurg shen hrog mee orrym, as hie mee mysh cooishyn y ree, as va mee ayns yindys dowin ec yn ashlish, agh va shoh gyn-yss da fer erbee.

Daniel 9:23

Ec toshiaght dty aghinyn haink y sarey magh, as ta mish er jeet dy hoilshaghey dhyt, son t’ou ayns ard foayr: shen-y-fa toig yn chooish, as smooinee er yn ashlish.

Daniel 9:27

As nee eh conaant y hickyraghey rish ymmodee son un shiaghtin: as ayns mean y chiaghtin ver eh er yn oural-casherick as y chebbal dy scuirr, as son reamys yn eajeeys nee eh ny hraartys jeh, derrey vees slane jerrey orroo; as bee shen ny ta kiarit er ny gheayrtey magh er y traartys.

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Noo Mian 17:8

As tra hrog ad seose nyn sooillyn, cha vaik ad fer erbee, agh Yeesey ny-lomarcan.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree:

Ashlish 22:8

As honnick mish Ean ny reddyn shoh, as cheayll mee ad. As erreish dou ve er chlashtyn as er vakin, huitt mee sheese dy chur ooashley ec cassyn yn ainle, hoilshee ny reddyn shoh dou.