Daniel 8:16 - Yn Vible Casherick 1775 1819

¹⁶ As cheayll mee coraa dooinney eddyr brooinyn Ulai, gyllagh, as gra, Ghabriel, cur er y dooinney shoh dy hoiggal yn ashlish.

Daniel 8:16 ပူးပေါင်းရင်းမြစ်များ

Daniel 10:14

Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta’n ashlish cour ymmodee laghyn foast ry-heet.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Daniel 7:16

Haink mee er-gerrey gys fer jeusyn va ny hassoo liorym, as dênee mee jeh, mychione ynrickys ooilley shoh: eisht dinsh eh dou, as hoilshee eh dou bun ny cooishyn.

Daniel 8:2

As honnick mee ayns ashlish (as haink eh gy-kione, myr honnick mee, dy row mee ec Shushan ayns y phlaase, ta ayns cheer Elam) as er-lhiam pene ’syn ashlish, dy row mee liorish awin Ulai.

Zechariah 1:9

Eisht dooyrt mee, O my Hiarn, cre t’ad shoh? As dooyrt yn ainle, va taggloo rhym, Soilshee-ym dhyt cre t’ad shoh.

Zechariah 2:4

As dooyrt eh rish, Roie, loayr rish yn dooinney aeg shoh, gra, Bee cummaltee ayns Jerusalem myr ayns baljyn gyn voallaghyn son ymmodee ny deiney, as yn ollagh t’ayn.

Noo Luke 1:19

As dreggyr yn ainle as dooyrt eh rish, Mish Gabriel ta shirveish fenish Yee: as ta mee er my choyrt dy loayrt rhyt, as dy hoilshaghey dhyt ny naightyn mie shoh.

Noo Luke 1:26

As ayns y cheyoo vee, va’n ainle Gabriel er ny choyrt veih Jee, gys ard-valley dy Ghalilee, va enmyssit Nazareth,

Jannoo 10:13

As haink coraa huggey, Irree, Pheddyr; marr, as ee.

Jannoo 9:7

As hass ny deiney va er nyn yurnah mârish as nyn dappey voue, son cheayll ad coraa, agh cha vaik ad dooinney erbee.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Ashlish 1:12

As hyndaa mee dy akin cre voish haink y coraa ren loayrt rhym. As tra va mee er jyndaa, honnick mee shiaght cainleyryn dy airh;

Ashlish 22:16

Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.