Daniel 8:15 - Yn Vible Casherick 1775 1819

¹⁵ As haink eh gy-kione, tra va mish, eer mish Daniel er vakin yn ashlish, as er hirrey bun er, eisht cur-my-ner, hass kiongoyrt rhym myr co-chaslys dooinney.

Daniel 8:15 ပူးပေါင်းရင်းမြစ်များ

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Daniel 10:16

As cur-my-ner, venn fer goll-rish cloan gheiney rish my veillyn: eisht doshil mee my veeal, as loayr mee, as dooyrt mee rishyn va ny hassoo kiongoyrt rhym, O my hiarn, liorish yn ashlish ta my hrimshey er jyndaa orrym, as cha vel veg y niart faagit aynym.

Daniel 10:18

Eisht haink fer hym reesht ayns co-chaslys dooinney, as venn eh rhym, as niartee eh mee,

Daniel 10:5

Eisht hrog mee my hooillyn, as yeeagh mee, as cur-my-ner, dooinney dy row coamrit ayns aanrit, as mysh e veeghyn cryss jeh glen airh Uphaz:

Daniel 12:8

As cheayll mee, agh cha hoig mee: eisht dooyrt mee, O my hiarn, cre vees jerrey ny reddyn shoh?

Daniel 7:13

Honnick mee ayns ashlishyn ny hoie, as cur-my-ner, haink fer goll-rish mac y dooinney, lesh bodjallyn yn aer, as haink eh gys y chenn-ayr dy laghyn, as hug ad lhieu eh er-gerrey kiongoyrt rish.

Daniel 7:28

Choud shoh ta jerrey yn chooish. Er my hon’s Daniel, va my smooinaghtyn dy my heaghney, as neeal my eddin er ny chaghlaa orrym, agh dreill mee yn chooish ayns my chree.

Daniel 8:1

Ayns y trass vleïn jeh reill ree Belshazzar, haink ashlish orrym, eer orrym’s Daniel, lurg shen haink orrym ec y toshiaght.

Daniel 8:19

As dooyrt eh, Cur-my-ner, soilshee-ym dhyt, cre hig gy-kione ec jerrey yn jymmoose: son ec y traa pointit vees y jerrey er.

Zechariah 1:9

Eisht dooyrt mee, O my Hiarn, cre t’ad shoh? As dooyrt yn ainle, va taggloo rhym, Soilshee-ym dhyt cre t’ad shoh.

Noo Mian 13:36

Eisht hug Yeesey yn cheshaght ersooyl, as hie eh stiagh ayns y thie: as haink huggey adsyn va sheer mârish, gra, Soilshee dooin coraa-dorraghey coggyl yn vagheragh.

Noo Mian 24:15

Tra hee shiu er-y-fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mark 13:14

Agh tra hee shiu eajeeid y traartys, ta loayrit jeh liorish Daniel y phadeyr, ny hassoo raad nagh lhisagh eh, (eshyn ta lhaih, lhig da tastey ghoaill) eisht lhig dauesyn t’ayns Judea chea gys ny sleityn.

Noo Mark 4:12

Son fakin hee ad, agh cha der ad tastey, as clashtyn cluinnee ad, agh cha gow ad tushtey; er-aggle ec traa erbee dy beagh ad er nyn jyndaa, as dy beagh nyn beccaghyn er nyn leih daue.

Joshua 5:14

As dooyrt eshyn, Cha nee nyn ’oï; agh myr ard-leeideilagh sheshaght-caggee yn Chiarn ta mish er jeet. As chroym Joshua lesh e eddin gys yn ooir, as hug eh ammys, as dooyrt eh rish, Cre ta my Hiarn dy ghra rish e harvaant?

Ashlish 1:13

As ayns mean ny shiaght cainleyryn, fer goll-rish yn Mac dooinney, coamrit lesh garmad sheese gys ny cassyn, as kianlt mysh e chleeau lesh cryss dy airh.

Ashlish 13:18

Ayns shoh ta creenaght. Lhig dasyn ta tushtey echey coontey earroo yn veisht: son earroo dooinney eh; as ta’n earroo echey shey cheead three-feed as shey.