Daniel 8:14 - Yn Vible Casherick 1775 1819

¹⁴ As dooyrt eh rhym, Derrey daa housane as three cheead laa; eisht bee yn ynnyd casherick er ny ghlenney.

Daniel 8:14 ပူးပေါင်းရင်းမြစ်များ

Genesis 1:5

As denmys Jee yn soilshey Laa, as y dorraghys denmys eh Oie: as y fastyr as y moghrey va’n chied laa.

Isaiah 1:27

Bee Zion er ny livrey lesh briwnys, as hig e cloan chappee thie reesht lesh cairys.

Isaiah 45:25

Ayns y Chiarn bee ooilley sluight Israel er ny heyrey, as nee ad boggyssagh.

Daniel 12:11

As veih yn traa, dy bee yn oural-laaoil er ny ghoaill ersooyl, as yn eajeeys dy hraartys er ny hoiaghey seose, bee thousane daa cheead as kiare-feed as jeih dy laghyn.

Daniel 12:12

Bannit ta eshyn ta farkiaght as ta cheet gys y thousane three cheead as y wheiggoo-yeig as feedoo laa.

Daniel 12:7

As cheayll mee yn dooinney coamrit ayns aanrit, va er ushtaghyn ny hawin, tra chum eh seose e laue yesh, as e laue hoshtal gys niau, as loo eh liorishyn ta bio son dy bragh, dy bee eh son traa, traaghyn, as lieh traa, as tra vees eh dy slane bollagh er chooilleeney scaalhean pooar y phobble casherick, bee ooilley ny reddyn shoh jeant mie.

Daniel 7:25

As nee eh loayrt goan mollaghtagh noi yn er smoo syrjey, as ver eh mow nooghyn yn er smoo syrjey, as gowee eh er dy chaghlaa traaghyn, as leighyn; as bee ad er ny choyrt ayns y laue echey, derrey traa as traaghyn, as leih traa.

Daniel 8:26

As ta ashlish yn astyr as y voghrey, va inshit, firrinagh: shen-y-fa jeigh seose yn ashlish, son bee eh gys ymmodee laghyn.

Galatianee 3:8

As y scriptyr fakin ro-laue dy jinnagh Jee seyrey ny Ashoonee trooid credjue, ren preacheil roish nish yn sushtal gys Abraham, gra, Aynyd’s vees dy chooilley ashoon er ny vannaghey.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 12:14

As da’n ven v’er ny choyrt daa skian dy urley vooar, dy voddagh ee getlagh gys yn aasagh, gys yn ynnyd eck hene: raad ta beaghey kiarit j’ee son traa, as traaghyn, as lieh traa, veih eddin yn ard-nieu.

Ashlish 13:5

As va beeal er ny choyrt da, loayrt reddyn mooaralagh as mollaghtagh; as va pooar echey dy hannaghtyn daa vee as da-eed.