Daniel 8:12 - Yn Vible Casherick 1775 1819

¹² As va pooar-caggee er ny choyrt da noi yn oural-laaoil, kyndagh rish drogh-yannoo, as cheau eh sheese yn ynrickys gys y thalloo, as hie eh er e hoshiaght, as haink eh lesh.

Daniel 8:12 ပူးပေါင်းရင်းမြစ်များ

Lioar Yob 12:6

Ta cabbaneyn ny roosteyryn bishaghey, as t’adsyn ta brasnaghey Jee ayns sauchys; gys ny laueyn oc ta Jee cur stiagh dy palchey.

Psalmyn 119:142

Ta’n chairys ayd’s cairys dy bragh farraghtyn: as dty leigh yn irriney.

Psalmyn 119:43

O ny gow yn goo dy ynrickys dy bollagh ass my veeal: son ta my hreishteil ayns dty vriwnyssyn.

Psalmyn 28:5

Cooilleen ad cordail rish obbyr nyn laueyn: eeck daue shen ny t’ad er hoilchin.

Isaiah 59:14

Son ta briwnys er ny chassey, as ta cairys shassoo foddey jeh: son ta’n ynrickys er duittym ayns ny straïdyn, as cha vod corrymid cheet stiagh.

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Daniel 11:28

Eisht nee eh chyndaa gys e heer hene, lesh berchys vooar, as bee e chree noi yn chonaant casherick: as hig eh jeh lesh y varriaght, as chyndaa gys e heer hene.

Daniel 7:21

Yeeagh mee, as ren yn eairk cheddin caggey rish ny nooghyn, as cosney orroo.

Daniel 8:4

Honnick mee yn rea puttey lesh y sheear, as lesh y twoaie, as lesh y jiass; myr shen nagh by-loys da beisht erbee shassoo roish; chamoo va fer ayn oddagh livrey veih e laue, agh ren eh lurg e aigney hene, as daase eh pooaral.

Ashlish 13:7

As va pooar er ny choyrt da dy chaggey noi ny nooghyn, as dy gheddyn yn varriaght orroo: as va pooar er ny choyrt da harrish dy chooilley chynney, as glare, as ashoon.

1 Samuel 23:9

As va fys ec David dy row Saul dy follit kiarail olk n’oï; as dooyrt eh rish Abiathar y saggyrt, Cur lhiat gys shoh yn ephod.