Daniel 8:10 - Yn Vible Casherick 1775 1819

¹⁰ As daase eh mooar, eer corrym rish sheshaght-caggee niau, as cheau eh sheese paart jeh’n cheshaght-chaggee, as jeh ny rollageyn gys y thalloo, as stamp eh orroo.

Daniel 8:10 ပူးပေါင်းရင်းမြစ်များ

Isaiah 14:13

Son dy vel oo er ghra ayns dty chree, Hem seose er niau, trog-yms my stoyl-reeoil erskyn rollageyn Yee; soie-yms myrgeddin er cronk yn cho-chruinnaght, ayns lhiatteeyn y twoaie:

Jeremiah 48:26

Jean-jee eh er-meshtey; son dirree eh magh noi yn Chiarn: bee Moab seiyt ’sy skeay echey hene, as bee eshyn neesht son faghid.

Daniel 11:28

Eisht nee eh chyndaa gys e heer hene, lesh berchys vooar, as bee e chree noi yn chonaant casherick: as hig eh jeh lesh y varriaght, as chyndaa gys e heer hene.

Daniel 11:30

Son hig lhongyn Chittim n’oï: shen-y-fa, bee eh seaghnit, as chyndaa-ee eh, as bee eh jymmoosagh noi yn chonaant casherick: shoh myr nee eh jannoo, chyndaa-ee eh dy jarroo, as gowee eh coyrle follit mâroosyn ta treigeil y chonaant casherick.

Daniel 7:7

Lurg shoh honnick mee ayns ashlishyn ny hoie, as cur-my-ner yn chiarroo veisht, agglagh as atchimagh, as erskyn-towse lajer: lesh feeacklyn mooar yiarn: stroie eh, as vrish eh ayns peeshyn, as stamp eh yn chooid elley lesh e chassyn, as cha row eh goll-rish veg jeh ny beishtyn va roish, as va jeih eairkyn er.

Daniel 8:7

As honnick mee eh tayrn chion er y rea, as v’eh er ny vrasnaghey lesh sproght n’oï, as woaill eh yn rea, as vrish eh e ghaa eairk, as cha row fort ayns y rea dy hassoo roish, agh lhieg eh er y thalloo eh, as stamp eh er, as cha row fer oddagh yn rea y livrey ass e laue.

Ashlish 12:4

As hayrn y famman echey yn trass ayrn jeh rollageyn niau, as cheau eh ad er y thalloo: as hass y dragon kiongoyrt rish y ven va aarloo dy ve livreit, dy stroie yn lhiannoo eck cha leah as harragh eh er y theihll.