Daniel 7:9 - Yn Vible Casherick 1775 1819

⁹ Yeeagh mee derrey va ny stuill-reeoil soit, as dy ren y chenn-ayr dy laghyn soie, va e gharmad gial myr sniaghtey, as folt e chione myr ollan ghlen: va’n stoyl-reeoil echeysyn myr y lossey aile, as e whueeylyn goll-rish yn aile ta lostey.

Daniel 7:9 ပူးပေါင်းရင်းမြစ်များ

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

2 Recortyssyn 18:18

Reesht dooyrt eh, Eaisht uss, er-y-fa shen, rish goo’n Chiarn, Honnick mee yn Chiarn ny hoie er e stoyl-reeoil, as ooilley sheshaght-flaunyss nyn shassoo er e laue yesh, as er e laue chiare.

Psalmyn 45:8

T’ou er choyrt graih da cairys, as feoh da mee-chairys: shen-y-fa ta Jee, dy jarroo yn Jee ayd’s, er dt’ooilaghey lesh yn ooil dy yennallys erskyn dty heshaghyn.

Psalmyn 90:2

Roish my daink ny sleityn rish, ny rieau yn thalloo as y seihll er nyn groo: she uss Jee er-dy-rieau, as seihll gyn jerrey.

Psalmyn 93:2

T’eh er n’yannoo yn seihll runt cha shickyr: nagh vod eh v’er ny scughey.

Isaiah 6:1

Ayns y vleïn hooar ree Uzziah baase, honnick mee yn Chiarn ny hoie er stoyl-reeoil ard as troggit seose, as ren e ghloyr yn chiamble y lhieeney.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Jeremiah 49:38

As soie-yms my stoyl-reeoil ayns Elam, as stroie-yms ayn yn ree as ny princeyn, ta’n Chiarn dy ghra.

Ezekiel 1:26

As erskyn yn aer va harrish nyn ghing, va co-chaslys stoyl-reeoil, goll-rish clagh sapphire, as er co-chaslys yn stoyl-reeoil va myr dy beagh eh jalloo dooinney er-y-skyn.

Daniel 7:13

Honnick mee ayns ashlishyn ny hoie, as cur-my-ner, haink fer goll-rish mac y dooinney, lesh bodjallyn yn aer, as haink eh gys y chenn-ayr dy laghyn, as hug ad lhieu eh er-gerrey kiongoyrt rish.

Daniel 7:22

Derrey haink y chenn-ayr dy laghyn, as va briwnys er ny choyrt da nooghyn yn er smoo syrjey; as haink y traa, dy ghow ny nooghyn yn reeriaght ayns nyn gummal.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Habakkuk 1:12

Nagh vel uss er-dy-rieau, O Hiarn my Yee, my er-casherick? cha vow mayd baase: O Hiarn, t’ou er vaagail magh ad son briwnys; as, O Yee niartal, t’ou er chiarail ad cour smaghtaghey.

Noo Mian 17:2

As va’n cummey echey er ny chaghlaa kiongoyrt roo, as ren yn eddin echey soilshean myr y ghrian, as va’n coamrey echey gial myr y soilshey.

Noo Mian 28:3

Va’n eddin echey goll-rish y tendreil, as e choamrey gial myr y sniaghtey.

Noo Mark 9:3

As haink y coamrey echey dy ve sollys, erskyn towse gial myr y sniaghtey; nagh row walker er y thalloo oddagh jannoo cha gial roo.

Jannoo 2:30

Shen-y-fa myr v’eh ny adeyr as fys echey dy row Jee er ghialdyn lesh breearrey da, jeh sluight e veeghyn, lurg yn dooghys foalley, dy droggagh eh seose Creest dy hoie er y stoyl-reeoil echeysyn:

Jannoo 2:33

Shen-y-fa myr t’eh er ny ghoaill seose liorish laue yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

1 Timothy 6:16

Echeysyn ny-lomarcan ta’n vea dy bragh farraghtyn, baghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

1 Ean 1:5

Shoh eisht yn chaghteraght ta shin er chlashtyn veihsyn, as ta shin soilshaghey diuish, dy vel Jee soilshey, as aynsyn nagh vel dorraghys erbee.

Ashlish 1:14

Va e chione as e olt bane myr ollan, cha gial as sniaghtey; as va e hooillyn myr lossey dy aile;

Ashlish 19:18

Dy vod shiu gee feill reeaghyn, as feill captanyn, as feill deiney niartal, as feill chabbil, as yn eill ocsyn ta markiagh orroo, as feill dy chooilley ghooinney, chammah seyr as shirveishee, chammah beg as mooar.

Ashlish 20:4

As honnick mee stuill-reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va’n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da’n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v’ad bio as reill marish Creest thousane bleïn.

Ashlish 4:2

As chelleeragh va mee ayns y Spyrryd; as cur-my-ner, va stoyl-reeoil soit ayns niau, as hoie fer er y stoyl-reeoil.