Daniel 7:7 - Yn Vible Casherick 1775 1819

⁷ Lurg shoh honnick mee ayns ashlishyn ny hoie, as cur-my-ner yn chiarroo veisht, agglagh as atchimagh, as erskyn-towse lajer: lesh feeacklyn mooar yiarn: stroie eh, as vrish eh ayns peeshyn, as stamp eh yn chooid elley lesh e chassyn, as cha row eh goll-rish veg jeh ny beishtyn va roish, as va jeih eairkyn er.

Daniel 7:7 ပူးပေါင်းရင်းမြစ်များ

2 Samuel 22:43

Eisht cha myn as joan y thallooin ren mee ad y woalley; myr laagh ny straidyn ren mee ad y stampey, as skeayley ad dy lhean.

Lioar Yob 41:14

Quoi s’loys da dorryssyn e veeal y osley? s’atchimagh ta e eeacklyn ooilley mygeayrt!

Ezekiel 40:2

Ayns ashlishyn Yee hug eh lesh mee gys thalloo Israel, as lhig eh sheese mee er slieau feer ard, er-gerrey da shen va cummey dy ard-valley er y jiass.

Daniel 2:19

Eisht va’n folliaght er ny hoilshaghey da Daniel ayns ashlish ’syn oie: eisht vannee Daniel Jee ny flaunys.

Daniel 7:13

Honnick mee ayns ashlishyn ny hoie, as cur-my-ner, haink fer goll-rish mac y dooinney, lesh bodjallyn yn aer, as haink eh gys y chenn-ayr dy laghyn, as hug ad lhieu eh er-gerrey kiongoyrt rish.

Daniel 7:2

Loayr Daniel as dooyrt eh, Honnick mee ayns m’ashlish ’syn oie, as cur-my-ner, va ny kiare geayghyn yn aer, as ad streeu er yn aarkey vooar.

Daniel 8:10

As daase eh mooar, eer corrym rish sheshaght-caggee niau, as cheau eh sheese paart jeh’n cheshaght-chaggee, as jeh ny rollageyn gys y thalloo, as stamp eh orroo.

Daniel 8:22

Nish lurg da shen ve brisht; as dy daink seose ny ynnyd kiare elley, nee kiare reeriaghtyn troggal seose ass yn ashoon shen, agh cha nee ayns y phooar echeysyn.

Zechariah 2:1

Hrog mee my hooillyn reesht, as yeeagh mee; as cur-my-ner, dooinney lesh line towshan ny laue.

Ashlish 12:3

As va yindys mooar elley er ny akin ayns niau, as cur-my-ner, dragon mooar jiarg, lesh shiaght king, as jeih eairkyn, as shiaght attaghyn er e ching.

Ashlish 13:1

As hass mee er genniagh ny marrey, as honnick mee beisht troggal ass yn aarkey, lesh shiaght king, as jeih eairkyn, as er e eairkyn jeih attaghyn, as er ny king echey va enmyn mollaghtagh.

Ashlish 17:12

As ta ny jeih eairkyn honnick oo, jeih reeaghyn, nagh vel foast er gheddyn reeriaght erbee; agh t’ad er gheddyn pooar myr reeaghyn son un oor marish y veisht.

Ashlish 17:7

As dooyrt yn ainle rhym, Cre’n-fa ghow oo yindys? Insh-ym dhyt folliaght y ven as y baagh t’ee markiagh er, echey ta ny shiaght king as ny jeih eairkyn.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn-grunt, as hed eh gys toyrt-mow: as gowee cummaltee’n thallooin yindys (ny enmyn oc nagh row scruit ayns lioar y vea er-dy hoshiaght y theihll) tra ver ad my-ner yn veisht va, as nagh vel, as foast ta.