Daniel 7:5 - Yn Vible Casherick 1775 1819

⁵ As cur-my-ner beisht elley, yn nah er, goll-rish muc-awin, as hrog eh eh-hene seose er y derrey heu, lesh three asnaghyn ny veeal, eddyr e eeacklyn: as dooyrt ad myr shoh rish, Trog ort, ee dty haie feill.

Daniel 7:5 ပူးပေါင်းရင်းမြစ်များ

2 Reeaghyn 2:24

As hyndaa eh mygeayrt, as yeeagh eh orroo, as ghwee eh daue ayns ennym y Chiarn. As haink daa vuc-awin woirryn ass y cheyll, ren raipey jees as da-eed jeu.

Raaghyn Creeney 17:12

Lhig da muc-awin t’er choayl e quallianyn ve quaaltagh dooinney, roish ommydan ayns farg.

Isaiah 56:9

Ooilley shiuish vaase y vagheragh, tar-jee dy stroie, dy jarroo, ooilley shiuish veiyn ny keylley.

Daniel 11:2

As nish soilshee-ym dhyt yn ynrickys, Cur-my-ner, nee three reeaghyn shassoo seose foast ayns Persia, as bee yn chiarroo foddey s’berchee na ad ooilley; as liorish yn niart echey, trooid e verchys, gleashee eh seose ooilley noi reeriaght Ghrecia.

Daniel 2:39

As dty lurg’s hroggys reeriaght elley ny s’faase na uss, as y trass reeriaght elley dy phrash, nee reill harrish ooilley yn seihll.

Daniel 5:28

PERES, ta dty reeriaght er ny rheynn, as er ny choyrt da ny Medeyn as ny Persianee.

Daniel 7:4

Va’n chied er jeu goll-rish lion, lesh skianyn urley: as yeeagh mee, derrey va ny skianyn spolgit jeh, lhieu v’eh troggit seose veih yn thalloo, as v’eh currit ny hassoo er e chassyn, myr dooinney, as va cree dooinney er ny choyrt da.

Daniel 7:6

Lurg shoh yeeagh mee, as cur-my-ner fer elley goll-rish leopard, lesh kiare skianyn eeanlee er e ghreeym, va er y veisht myrgeddin kiare king; as va reiltys er ny choyrt da.

Hosea 13:8

Ver-ym quaaltagh daue myr y vuc-awin ta er choayl e quallianyn, as raip-ym skairt y chree oc, as shen y raad myr lion nee’m stroie ad: nee yn veisht oaldey ad y raipey.

Ashlish 13:2

As va’n veisht honnick mee goll-rish leopard, as va ny cassyn echey myr cassyn bear, as e veeal myr beeal lion: as hug y dragon e phooar da as e stoyl, as reill mooar.