Daniel 7:24 - Yn Vible Casherick 1775 1819

²⁴ As ny jeih eairkyn ass y reeriaght shoh, t’ad jeih reeaghyn nee troggal: as irree-ys fer elley ny lurg oc; as cha bee eh goll-rish yn chied eallagh, as ver eh fo-chosh three reeaghyn.

Daniel 7:24 ပူးပေါင်းရင်းမြစ်များ

Daniel 11:36

As nee yn ree lurg e aigney hene, as eh-hene y hroggal dy ard, as soiaghey seose eh-hene erskyn dy chooilley Yee, as loayree eh reddyn yindyssagh noi yn Jee dy yeeghyn, as hed eh er e hoshiaght, derrey vees y jymmoose er ny chooilleeney: son bee shen ta kiarit er ny yannoo mie.

Daniel 2:41

As son wheesh as dy vaik oo ny cassyn as ny ordaagyn, ayrn dy chray yn phasheyder, as ayrn dy yiarn; bee yn reeriaght er ny rheynn, agh bee ayn niart yn yiarn, ’naght myr honnick oo yn yiarn kione y chray hallooin.

Daniel 7:20

As jeh ny jeih eairkyn va ayns e chione, as jeh’n eairk elley haink seose, as roish ren three jeu, tuittym, jeh’n eer eairk shen, lesh sooillyn, as beeal va boggyssagh reddyn mooarey, lesh shilley s’daaney na e heshaghyn.

Daniel 7:23

Shoh myr dooyrt eh, Bee yn chiarroo veisht yn chiarroo reeriaght er y thalloo, nagh bee casley rish reeriaght erbee elley, as stroie-ys eh yn slane seihll, as nee eh stampey sheese eh, as brishey eh ayns peeshyn.

Ashlish 12:3

As va yindys mooar elley er ny akin ayns niau, as cur-my-ner, dragon mooar jiarg, lesh shiaght king, as jeih eairkyn, as shiaght attaghyn er e ching.

Ashlish 13:1

As hass mee er genniagh ny marrey, as honnick mee beisht troggal ass yn aarkey, lesh shiaght king, as jeih eairkyn, as er e eairkyn jeih attaghyn, as er ny king echey va enmyn mollaghtagh.

Ashlish 17:3

Er shen hug eh lesh mee liorish y spyrryd gys yn aasagh: as honnick mee ben ny soie er baagh scarleod, lane dy enmyn mollaghtagh, lesh shiaght king, as jeih eairkyn.