Daniel 7:22 - Yn Vible Casherick 1775 1819

²² Derrey haink y chenn-ayr dy laghyn, as va briwnys er ny choyrt da nooghyn yn er smoo syrjey; as haink y traa, dy ghow ny nooghyn yn reeriaght ayns nyn gummal.

Daniel 7:22 ပူးပေါင်းရင်းမြစ်များ

Psalmyn 149:5

Lhig da ny nooghyn ’ve gennal dy gloyroil: lhig daue boggey ’ghoaill er nyn lhiabbaghyn.

Isaiah 63:4

Son ta laa yn lhiasaghey ayns my chree, as ta’n vleïn dy livrey my phobble er jeet.

Daniel 7:18

Agh gowee nooghyn yn er smoo syrjey yn reeriaght, as bee eh oc ayns nyn gummal son dy bragh, eer son dy bragh as dy bragh.

Daniel 7:23

Shoh myr dooyrt eh, Bee yn chiarroo veisht yn chiarroo reeriaght er y thalloo, nagh bee casley rish reeriaght erbee elley, as stroie-ys eh yn slane seihll, as nee eh stampey sheese eh, as brishey eh ayns peeshyn.

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl-reeoil e ghloyr, dy jean shiuish myrgeddin t’er n’eiyrt orrym’s soie er daa stoyl-reeoil yeig, briwnys daa heeloghe yeig Israel.

2 Thessalonianee 2:8

As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 20:4

As honnick mee stuill-reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va’n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da’n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v’ad bio as reill marish Creest thousane bleïn.

Ashlish 3:21

Dasyn ta geddyn y varriaght low-yms dy hoie mârym er my stoyl-reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl-reeoil echeysyn.

Ashlish 5:10

As t’ou er n’yannoo shin da’n Jee ain, reeaghyn as saggyrtyn: as nee mayd reill er y thalloo.