Daniel 7:2 - Yn Vible Casherick 1775 1819

² Loayr Daniel as dooyrt eh, Honnick mee ayns m’ashlish ’syn oie, as cur-my-ner, va ny kiare geayghyn yn aer, as ad streeu er yn aarkey vooar.

Daniel 7:2 ပူးပေါင်းရင်းမြစ်များ

Isaiah 17:12

Smerg da co-chruinnaght yn vooarane pobble ta jannoo feiyr myr feiyr ny faarkaghyn; as da tharmane ny ashoonyn, ta freaney myr sheean thooilley ymmodee ushtaghyn!

Jeremiah 49:36

As er Elam ver-ym lhiam ny kiare geayghyn veih ny kiare ardjyn yn aer, as nee’m fasney ad gys ooilley ny geayghyn shen; as cha bee ashoon erbee raad nagh jig scapailtee Elam.

Jeremiah 51:42

Ta’n keayn er jeet seose er Babylon; t’ee baiht fo earroo ny tonnyn.

Daniel 11:4

As tra nee eh shassoo seose, bee yn reeriaght echeysyn er ny vrishey, as er ny rheynn gys ny kiare geayghyn yn aer; as cha nee gys y sluight echey hene, ny cordail rish e reeriaght v’eh dy reill: son bee yn reeriaght echey tilgit bun-ry-skyn, eer son feallagh elley cheu-mooie jeusyn.

Daniel 2:19

Eisht va’n folliaght er ny hoilshaghey da Daniel ayns ashlish ’syn oie: eisht vannee Daniel Jee ny flaunys.

Daniel 7:13

Honnick mee ayns ashlishyn ny hoie, as cur-my-ner, haink fer goll-rish mac y dooinney, lesh bodjallyn yn aer, as haink eh gys y chenn-ayr dy laghyn, as hug ad lhieu eh er-gerrey kiongoyrt rish.

Daniel 7:7

Lurg shoh honnick mee ayns ashlishyn ny hoie, as cur-my-ner yn chiarroo veisht, agglagh as atchimagh, as erskyn-towse lajer: lesh feeacklyn mooar yiarn: stroie eh, as vrish eh ayns peeshyn, as stamp eh yn chooid elley lesh e chassyn, as cha row eh goll-rish veg jeh ny beishtyn va roish, as va jeih eairkyn er.

Daniel 8:2

As honnick mee ayns ashlish (as haink eh gy-kione, myr honnick mee, dy row mee ec Shushan ayns y phlaase, ta ayns cheer Elam) as er-lhiam pene ’syn ashlish, dy row mee liorish awin Ulai.

Daniel 8:8

Shen-y-fa haink y ghoayr-yrryn dy ve feer niartal, as tra v’eh lajer, va’n eairk vooar er ny vrishey, as ’syn ynnyd haink seose kiare eairkyn cronnal, lesh ny kiare geayghyn yn aer.

Zechariah 6:5

As dreggyr yn ainle, as dooyrt eh rhym, T’ad shoh kiare geayghyn yn aer, ta goll magh veih fenish Chiarn y slane seihll.

Noo Mian 24:31

As ver eh magh e ainleyn lesh yn trumpet dy ard-choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Ashlish 17:15

As dooyrt eh rhym, Ta ny ushtaghyn honnick oo, raad ta’n streebagh ny soie, pobble, as earrooyn mooarey, as ashoonyn, as glaraghyn.

Ashlish 7:1

As lurg ny reddyn shoh, honnick mee kiare ainleyn shassoo er kiare corneilyn y thallooin, lhiettal ny kiare geayghyn y theihll, nagh sheidagh y gheay er y thalloo, ny er yn aarkey, ny billey erbee.